દિલ્હી-મુંબઈ હાઈવે પર અમદાવાદથી નાસિક સુધી બનશે ગ્રીન ફિલ્ડ
અમદાવાદથી નાસિક સુધીનો હાઈવે બનશે ગ્રીન ફિલ્ડ
નીતિન ગડકરીએ પ્રોજેક્ટને આપી લીલીઝંડી
ડીસામાં બન્યો એલિવેટેડ કોરિડોર
અમદાવાદથી સુરત અને નાસિક સુધી 2428 કરોડ રૂપિયાના ખર્ચે ગ્રીન ફિલ્ડ રસ્તો બનશે, જ્યારે દિલ્હી અને મુંબઈના હાઈવેનું કામ જોરશોરથી ચાલી રહ્યું છે. ત્યારે પ્રોજેક્ટનો અમદાવાદથી નાસિક સુધીનો હાઈવે ગ્રીન ફિલ્ડ હશે. આ હાઇવેના બનવા પછી લગભગ 12 કલાકમાં દિલ્હીથી મુંબઇ પહોંચી શકાશે, આ હાઈવેની માર્ગ જે ગુજરાતમાં છે 8 લેન વાળો છે જે વડોદરા સુરત થઈ મુંબઈ સુધી પહોંચે છે.તેની લંબાઈ 425 કિલોમીટરની છે. આ ગ્રીન ફિલ્ડ પ્રોજેક્ટ 25 હજાર કરોડના ખર્ચે તૈયાર થવા જઇ રહ્યો છે.
નીતિન ગડકરીએ કરી જાહેરાત
આ ગ્રીન ફિલ્ડ માર્ગ અંગેની જાહેરાત કરતાં કેન્દ્રીય સડક અને પરિવહન મંત્રી નીતિન ગડકરીએ શનિવારે ગાંધીનગર સ્થિત મહાત્મા મંદિરમાં યોજાયેલા વિકાસ દિવસના કાર્યક્રમ દરમિયાન કરી હતી. જેમાં વર્ચ્યુઅલ સંબોધન કરતાં તેમણે આ જાહેરાત કરી હતી.
ડીસામાં બન્યો એલિવેટેડ કોરિડોર
નિતીન ગડકરીએ વધુમાં જણાવ્યું હતું કે રાષ્ટ્રીય રાજમાર્ગના નિર્માણ હેતુથી ડીસામાં પણ એલિવેટેડ કોરિડોર બનાવવામાં આવ્યો છે.જે ઈકોનોમિક કોરિડોર પૂર્વ અને પ્રશ્ચિમને જોડાવાનું કામ કરે છે. આ માર્ગ કાંડલા અને મુંદ્રા જેવા મહત્વના બંદરોને ઉત્તર અને મધ્ય ગુજરાતથી જોડશે. આથી રસ્તા પર વાહન વ્યવહારના ધસારો ઓછો થશે. અને અકસ્માતમાં પણ ઓછા થશે. આ સિવાય રાજસ્થાનથી ગુજરાત આવતા દર્દીઓને પણ મેડિકલ સેવામાં ફાયદો મળશે અને ગુજરાત આવવું વધુ સરળ બનશે. મહત્વનું છે કે સાંચોર અમદાવાદ ગ્રીન ફિલ્ડ એક્સપ્રેસ હાઈવે 210 કિલોમીટર લાંબો છે અને તેમાં 6000 કરોડ જેટલો ખર્ચો કરવામાં આવ્યો છે. તે ઉપરાંત જેતપુર રાજકોટ સમખાયાળી 6 લેન રસ્તો 1200 કરોડ રૂપિયા અને 290 કિલોમીટરની લંબાઈ ધરાવતો બોડેલી વાપી ગ્રીન ફિલ્ડ ચારમાર્ગીય રસ્તો 8412 કરોડ અને ધાનેરા ડીસા વચ્ચે 34 કિલોમીટરનો હાઇવે 500 કરોડના ખર્ચે જ્યારે અમદાવાદ સુરત નાસિક 128 કરોડનો ગ્રીન ફિલ્ડ માર્ગ 2428 કરોડના ખર્ચ તૈયાર કરવામાં આવશે.
આગામી સમયમાં મોટી પ્રોજેકટ પર કામ
નીતિન ગડકરી એ વધુમાં ઉમેર્યું કે ગુજરાતનાં મુખ્યમંત્રી વિજય રૂપાણીના આગ્રહથી 109 કિલોમીટર ધોલેરા અમદાવાદ હાઇવે, ગૃહમંત્રી અમિત શાહના અનુરોધ પર જેતપુર ભાવનગર સોમનાથ જંકશન સુધી ઓવરબ્રિજ નિર્માણ કરવાની ડિઝાઇન તૈયાર કરી નાખી છે. જ્યારે સોમનાથ ટ્રસ્ટભૂમિ પર ફલાયઓવર, કોડીનારથી વેરાવળ સુધી 4 લેન રસ્તાના નિર્માણને પણ લીલી ઝંડી આપી દેવામાં આવી છે. સમગ્ર પ્રોજેક્ટને હવે અમેરિકાના સ્ટાન્ડર્ડ પર બનાવવમાં આવી રહ્યા છે. જ્યાં પહેલા એક દિવસમાં 2 કિલોમીટર જ નવો રસ્તાનું નિર્માણ થતું હતુ તે હવે પ્રતિ દિવસ 28 સુધી પહોંચ્યું છે. જો રાજ્ય સરકાર જમીન અધિગ્રહણમાં વધુ ઝડપથી કાર્ય કરી સમાધાન લાવે તો વધુ ગતિથી કામ થઈ શકે છે.