Bambooની ખેતી સીઝનના આધારે કરાતી નથી. તમે તેને અન્ય પાકની જેમ સમય આપો તો જ તે શક્ય છે. એક વખત વાંસ લગાવ્યા બાદ 4 વર્ષ બાદ તેની લણણી શરૂ કરી શકાય છે.
લીલું સોનું હવે તમને બનાવી શકે છે કરોડપતિ
જાણો શું છે પ્રોસેસ અને કેવી રીતે થશે લાભ
એક વખત વાંસ લગાવ્યા બાદ 4 વર્ષ બાદ તેની લણણી શરૂ કરી શકાય
વાંસને લીલું સોનું કહેવામાં આવે છે. અનેક લોકો માને છે કે જે ખેડૂત કરોડપતિ બનવા ઈચ્છે છે તેણે વાંસની ખેતી કરવી જોઈએ. કેમકે વાંસનો યૂઝ ઉદ્યોગ- ધંધાથી લઈને ફર્નિચર અને અન્ય અનેક ચીજોમાં કરાય છે. તમને નવાઈ લાગશે પણ ભારત દર વર્ષે 60 મિલિયન કરોડ રૂપિયાનું વાંસ ઈમ્પોર્ટ કરે છે. એવામાં લીલું સોનું એટલે કે વાંસની ખેતી કરાય તો તમે જલ્દી લખપતિ કે કરોડપતિ બની શકો છો.
આ રીતે કરી શકાય છે વાંસની ખેતી
વાંસના છોડ પર 120 રૂપિયાની સબ્સિડી કેન્દ્ર સરકાર દેશમાં વાંસની પેદાવારને વધારવા માટે બામ્બૂ મિશનની શરૂઆત કરી છે. તેનાથી ખેડૂતોને વાંસની ખેતી કરવા પર પ્રતિ છોડ 120 રૂપિયાની સરકાર મદદ કરે છે. દેશમાં સતત વાંસની ડિમાન્ડમાં ઝડપથી વધારો થઈ રહ્યો છે. તેનાથી તમે વાંસની ખેતી કરો છો તો ફાયદો થશે. વાંસની ખેતી સીઝનના આધારે કરાતી નથી અને સાથે જ અન્ય પાકની જેમ સમય આપવાની જરૂર રહે છે. એકવાર વાંસ લગાવ્યા બાદ 4 વર્ષ બાદ તેની લણણી શરૂ કરી શકાય છે. આ વાંસનો છોડ 5 ફીટના અંતરે લગાવવામાં આવે છે. તેમાં 3 વર્ષે લગભગ 240 રૂપિયા ક્વિન્ટલનો ખર્ચ આવે છે. તેમાં સરકાર 120 રૂપિયા પ્રતિ પ્લાન્ટની મદદ આપે છે.
વાંસની ખેતી શરૂ કરતા પહેલા જાણી લો આ વાત
વાંસની ખેતી શરૂ કરતા પહેલા વાંસની જાતની જાણકારી મેળવી લેવી જરૂરી છે. તેમાં તમારે નક્કી કરવાનું રહે છે કે કયા પ્રકારના વાંસ લગાવવા ઈચ્છો છો અને સાથે તેન બજારમાં કઈ રીતે વેચવાથી લાભ થઈ શકે છે. વાંસની કુલ 136 પ્રજાતિ મળી રહે છે. આ કારણે તમને તેની પસંદગીમાં મુશ્કેલી આવી શકે છે.
આ છે કમાણીનું ગણિત
માનવામાં આવી રહ્યું છે કે જો તમે 3 ગણું 2.5 મીટર પર છોડ લગાવો છો તો એક હેક્ટરમાં લગભગ 1500 છોડ લગાવી શકાય છે. સાથે તમે 2 છોડની વચ્ચેની જગ્યામાં અન્ય કોઈ પાક લગાવી શકો છો. 4 વર્ષ બાદ 3.5 લાખ રૂપિયાની કમાણી થશે. દર વર્ષે રિપ્લાન્ટેશન કરવાની જરૂર પણ રહેશે નહીં કેમકે વાંસના છોડ લગભગ 40 વર્ષ સુધી ચાલી શકે છે.