રુઠી કૂદરત / જુનાગઢના લીલી નાઘેરમાં લીલા દુકાળની સ્થિતિ, ખેતર, ગામ અને ઘર બધુ જ પાણીમાં ગરકાવ, ખેડૂતોને માથે મોટી પાયમાલી

• સૌરાષ્ટ્રમાં દે-માર વરસાદથી ધોવાયા પાક 
• ખેતરો જાણે દરિયો બનીને વહી રહ્યા છે 
• ખેડૂતો પાયમાલી તરફ,સરકારી સહાય એક જ આશ 

સૌરાષ્ટ્રમાં જામનગર, જુનાગઢ, પછી અમરેલી જિલ્લામાં ભારે વરસાદથી વ્યાપક નુકસાનીનો અંદાજ મંડાઈ રહ્યો છે.સમગ્ર પંથકના ખેતરો પાણીથી લબાલબ થઇ ગયા છે.પરિણામે ઉભા પાકનું ધોવાણ થઇ જતા ખેડૂતોએ માથે હાથ દઈને રડવાનો વારો આવ્યો છે.અમરેલી જીલ્લ્લાના લીલીયા તાલુકામાં જે રીતે પાણી ભર્યા છે તેના આકાશી દૃશ્યો જોઈ તમે દિંગ રહી જશો.હજારો હેકટરમાં ફેલાયેલા ખેતરો જાણે દરિયો બની ગયા છે.અને પાણી વહી રહ્યા હોવાના દૃશ્યો જોઈ કિસાન ખુબ વ્યથિત થયા છે. મહા મહેનતે ઉગેલો પાક અને પરિશ્રમના લોહી-પાણી આજે વરસાદી પાણીનો કહેર બનીને ફરી વળ્યા છે. 

ગીર-સોમનાથ જિલ્લો 

આવી જ સ્થિતિ ગીર-સોમનાથ જિલ્લાની છે.ગીર-સોમનાથમાં પણ ભારે વરસાદના કારણે વ્યાપક નુકસાન થયું છે.રાજ્ય ધોરી માર્ગ પર પાણી ફરી વળતા સોમનાથ-ભાવનગર હાઈ વે પરના વાહન વ્યવહારને વ્યાપક અસર થવા પામી છે.સતત વરસાદના કારણે ખેતરોમાં પાણી ભરાઈ જતા કેદુતો પાયમાલી ભણી ધકેલાયા છે. એક તો તાઉતેનાં મારની હજુ પણ કળ વળી નથી ત્યાંજ પાછોતરા ભારે વરસાદે ખેડૂતોની કમર ભાંગી નાખી છે. 

 તો જૂનાગઢ જિલ્લાના માંગરોળના ઓસા ગામમાં જળબંબાકારની સ્થિતિ સર્જાઈ છે.પાનીઅના ધસમસતા પ્રવાહ ઓસાના રહેણાંક મકાનોમાં ઘૂસી ગયા છે.કેટલાક મકાનોની છત સુધી વરસાદી પાણી પહોચતા જન-જીવન અસ્ત-વ્યસ્ત થઇ ગયું છે. ઘર-વખરી પાણીમાં તરે છે,અને રાશન-પાણીના પણ ફાંફા જેવી સ્થિતિનું નિર્માણ થયું છે.આસ-પાસમાં ભારે વરસાદના કારણે
ગામ બેટમાં ફેરવાઈ ગયું છે.

દેવભૂમિ દ્વારકા 

  આ તરફ, દેવભૂમિ દ્વારકા જીલ્લામાં ભારે વરસાદના કારણે પુલ પર ઠેર ઠેર ખાડા પડી ગયા છે અને ખંભાળિયા-અડવાણા-પોરબંદર હાઇવે રોડ જોખમી બની ગયો છે.પુલ પર ખાડાઓ પડતા રાહદારીઓને અકસ્માતનું જોખમ વધી ગયું છે.સાથે પુલ જર્જરિત હોવાના કારણે મોટી દુર્ઘટના સર્જાવાની શક્યતાઓ નકારી શકાતી નથી.જિલ્લાના હડમતીયા-ગોકલપર ગામના રોડ પર પણ  પાણી ભરાઈ ગયા છે.નદીઓમાં આવેલા પુરના પાણી ખેતરોમાં ઘુસતા પાકને વ્યાપક નુકસાન થયું છે.  ખેતરમાં મગફળી અને કપાસના ઉભા પાકને વ્યાપક નુકશાન થતા,ખેડૂતો પાયમાલી તરફ ધકેલાયા છે. તો ગ્રામ્ય વિસ્તારોમાં  હડમતીયા, ભોગાત, ગોકલપર ગામોમાં પણ પાણી ઘુસી ગયા છે.