લદ્દાખની ગલવાન ખીણમાં ચીનની કાયકતાને લીધે દેશમાં ઓક્રોષનું વાતાવરણ છે. લોકો ચીની કંપનીઓનો વિરોધ કરી રહ્યા છે. શનિવારે ગ્રેટર નોઈડામાં મોબાઇલ ફોન બનાવતી ચીની કંપની ઓપ્પોની ઓફિસની સામે હિંદુ રક્ષા દળના ડઝન કાર્યકરોએ દેખાવો કર્યા હતા. જે બાદ પોલીસે હિન્દુ રક્ષા દળના રાષ્ટ્રીય અધ્યક્ષ ભૂપેન્દ્ર તોમર સહિત 30 લોકો વિરુદ્ધ લોકડાઉન અને કલમ 144 નો ભંગ કરવાનો કેસ નોંધ્યો છે.
100 થી વધુ લોકોએ કંપનીની ઓફિસની બહાર પ્રદર્શન કર્યુ
ઇકોટેક પ્રથમ પોલીસ સ્ટેશનમાં 30 લોકો વિરુદ્ધ ફરિયાદ દાખલ કરવામાં આવી
જિલ્લામાં કોવિડ -19 ને કારણે કલમ 144 અને લોકડાઉન ચાલી રહ્યું છે
પોલીસ કમિશનર આલોક સિંઘના મીડિયા પ્રભારી પંકજ કુમારે જણાવ્યું હતું કે શનિવારે હિન્દુ રક્ષા દળના રાષ્ટ્રીય અધ્યક્ષ ભૂપેન્દ્ર તોમર ઉર્ફે પિંકી ચૌધરી અને જિલ્લા કન્વિનર ગૌતમ બુધ નગર પ્રવીણ કુમાર 30- 35 વ્યક્તિઓ સાથે કોઇપણ પરવાનગી લીધા વગર ઓપ્પો કંપનીના ગેટ પર ભેગા થયા હતા. જ્યાં તેઓએ હોબાળો મચાવ્યો હતો અને સૂત્રોચ્ચાર કર્યા હતા. કુમારે કહ્યું કે જિલ્લામાં કોવિડ -19 ને કારણે કલમ 144 અને લોકડાઉન ચાલી રહ્યું છે.
ઉલ્લેખનીય છે કે ભારત-ચીન બોર્ડર પર 20 ભારતીય જવાનોની શહાદત બાદથી ચીન પ્રત્યે દેશમાં રોષ છે. દેશમાં ચીની ચીજોનો બહિષ્કાર કરવાની માંગ પણ જોર પકડી રહી છે. અગાઉ હરિયાણા સરકારે ચીની કંપનીઓના કરારો રદ કરવાનો નિર્ણય લીધો હતો. હરિયાણાની ચીની કંપનીઓને આપવામાં આવેલા બે થર્મલ પાવર સ્ટેશનના કરાર રદ કરવામાં આવ્યા છે. ખરેખર યમુનાનગર અને હિસાર થર્મલ પ્લાન્ટ્સ માટે બિડિંગ કરવામાં આવ્યું હતુ. આમાં બે કંપનીઓને બે થર્મલ પાવર સ્ટેશનોના કરાર થયા. બંને કંપનીઓ ચીની હતી.