હાલ દુનિયાભરના દેશોમાં ઈલેક્ટ્રિક વાહનોની ડિમાન્ડ વધારવા માટે પ્રયાસ કરવામાં આવી રહ્યા છે. ત્યારે ભારતમાં પણ ઈલેક્ટ્રિક વાહનોની સંખ્યા સતત વધતી જઈ રહી છે. હવે ચીનની ઓટોમોબાઈલ કંપની ગ્રેટ વોલ મોટર (GWM)એ ભારતમાં એન્ટ્રી કરવાની જાહેરાત કરી દીધી છે. તો હવે GWM ભારતીય બજારમાં તેની પ્રથમ ઈલેક્ટ્રિક કાર Ora R1 લાવવાની તૈયારી કરી રહી છે. આ વિશ્વની સૌથી સસ્તી ઇલેક્ટ્રિક કાર છે.
ભારતમાં આવી રહી છે સૌથી સસ્તી ઈલેક્ટ્રિક કાર
એક વાર ચાર્જ કરશો તો 351 કિમી ચાલશે
હ્યૂન્ડાઈની ઈલેક્ટ્રિક કારને આપશે ટક્કર
મળતી માહિતી પ્રમાણે આ કારની શરૂઆતી કિંમત 8,600 હજાર ડોલરથી 11 હજાર ડોલર એટલે કે 6.2 લાખથી 8 લાખ રૂપિયા હશે. કંપનીએ આ કારમાં 35KW ઈલેક્ટ્રિક મોટરનો ઉપયોગ કર્યો છે. સિંગલ ચાર્જમાં આ કાર 351 કિમીની ડ્રાઈવિંગ રેન્જ આપે છે.
ત્યારે ભારતમાં હાલમાં જ દક્ષિણ કોરિયાની પ્રમુખ કંપની હ્યૂન્ડાઈએ તેની ઈલેક્ટ્રિક એસયૂવી Kona રજૂ કરી છે. જે સિંગલ ચાર્જમાં 452 કિમી સુધીની ડ્રાઈવિંગ રેન્જ આપે છે. જોકે, તેની કિંમત 23.71 લાખથી લઈ 23.9 લાખની વચ્ચે છે. જ્યારે બીજી બાજુ ટાટા ટિગોર ઈલેક્ટ્રિક કારની કિંમત 9.17 લાખથી લઈ 7.75 લાખ રૂપિયા છે. જેથી Ora R1 લોન્ચ થયા બાદ તે દેશની સૌથી સસ્તી ઈલેક્ટ્રિક કાર સાબિત થઈ શકે છે.
મળતી માહિતી પ્રમાણે, GWMએ આગામી મહિને દેશમાં આયોજિત થનારા ઓટો એક્સ્પોમાં રજૂ કરવામાં આવી શકે છે. હાલ આ કોન્સેપ્ટ સ્ટેજ પર છે. તેના પ્રોડક્શન મોડલને પણ ટૂંક સમયમાં લોન્ચ કરવામાં આવશે. આવનારા સમયમાં ભારતીય બજારમાં અનેક ઈલેક્ટ્રિક મોડલને રજૂ કરવામાં આવશે. જેમાં MG eZs, Tata Altroz Electric અને Maruti Futuro E જેની કાર સામેલ છે.