બ્રેકિંગ ન્યુઝ
Last Updated: 04:06 PM, 20 January 2025
કારોબારી સપ્તાહના પહેલા દિવસે બજારમાં જોશ અને ઉત્સાહ જોવા મળ્યો . પાવર, ટેલિકોમ અને ફાઇનાન્શિયલ સેક્ટરના શેરમાં ઉછાળાને કારણે સેન્સેક્સ 454 પોઈન્ટ વધીને બંધ થયો અને નિફ્ટી 23,300ની ઉપર બંધ થયો. ભારતીય ઇક્વિટી ઇન્ડેક્સ નિફ્ટી આજે એટલે કે 20 જાન્યુઆરીએ 142 પોઇન્ટ વધીને બંધ થયો હતો.
ADVERTISEMENT
અમેરિકાના નવા ચૂંટાયેલા રાષ્ટ્રપતિ ડોનાલ્ડ ટ્રમ્પે કહ્યું કે ચીનના રાષ્ટ્રપતિ શી જિનપિંગ સાથે તેમની વાતચીત 'ખૂબ સારી' હતી. આ નિવેદનથી બંને દેશો વચ્ચેના વેપારને લઈને તણાવ ઓછો થવાનો સંકેત મળ્યો છે, જે બાદ આજે વૈશ્વિક શેરબજારોમાં સારો ઉછાળો જોવા મળ્યો હતો. અમેરિકન શેરબજારો શુક્રવારે લીલા નિશાનમાં બંધ થયા હતા. તે જ સમયે, હેંગસેંગ અને નિક્કી 225 જેવા એશિયન સૂચકાંકોમાં પણ વૃદ્ધિ જોવા મળી હતી. જિયોજિત ફાઇનાન્શિયલ સર્વિસિસના ચીફ ઇન્વેસ્ટમેન્ટ સ્ટ્રેટેજિસ્ટ વીકે વિજયકુમારે જણાવ્યું હતું કે, "ટેરિફ પર ટ્રમ્પના નરમ વલણથી શેરબજારના સેન્ટિમેન્ટમાં તેજી રહેવાની અપેક્ષા છે.
શેરબજારમાં આજના ઉછાળાની આગેવાની બેન્કિંગ શેરોએ કરી હતી. કોટક મહિન્દ્રા બેંકના શેરમાં સૌથી વધુ 9%નો ઉછાળો આવ્યો હતો. કોટક બેંકના ડિસેમ્બર ક્વાર્ટરના મજબૂત પરિણામો બાદ આ વધારો થયો છે. બેંકે કહ્યું કે ડિસેમ્બર ક્વાર્ટરમાં તેનો ચોખ્ખો નફો 10 ટકા વધીને 4701 કરોડ રૂપિયા થયો છે. બીજું, આજે ટ્રેડિંગ દરમિયાન નિફ્ટી બેન્ક ઇન્ડેક્સ 2 ટકા સુધી ઉછળ્યો હતો. ઈન્ડેક્સમાં સમાવિષ્ટ 12માંથી 11 શેરો લીલા નિશાનમાં ટ્રેડ થઈ રહ્યા હતા.
ADVERTISEMENT
સોમવારે અમેરિકન ડોલર સામે ભારતીય રૂપિયો 14 પૈસા વધીને 86.46 ના સ્તર પર ખુલ્યો હતો. તે જ સમયે, વિશ્વની છ મુખ્ય કરન્સી સામે ડૉલરની મજબૂતાઈને માપતો ડૉલર ઇન્ડેક્સ 0.22 ટકા ઘટીને 109.10 થયો હતો. આંતરરાષ્ટ્રીય બજારમાં બ્રેટ ક્રૂડ ઓઈલની કિંમતો પણ સ્થિર રહી અને 0.12% ઘટીને બેરલ દીઠ $80.69 થઈ ગઈ. આ કારણે બજારનું સેન્ટિમેન્ટ મજબૂત બન્યું છે.
આ પણ વાંચોઃ લગ્ન સિઝનમાં સોનું સસ્તું થયું પણ ચાંદી ચમકી! વાયદા બજારમાં ભારે હલચલ, જાણો લેટેસ્ટ રેટ
સંકળાયેલા મુદ્દાઓ
વધુ વાંચો
સબસ્ક્રાઇબ કરો
દરરોજ નવા સમાચાર મેળવવા માટે VTVGujaratiને સબસ્ક્રાઈબ કરો.