તાલાલા કોંગ્રેસના પૂર્વ ધારાસભ્ય ભગવાન બારડને કોર્ટે સજા કર્યા બાદ તેમના સસ્પેન્શન અને તાલાલાની પેટાચૂંટણી જાહેર કરવા મામલે આજે સુપ્રીમ કોર્ટે સુનાવણી હાથ ધરી હતી. સુપ્રીમ કોર્ટે ભગવાન બારડને મોટી રાહત આપતા ચૂંટણીપંચનાં જાહેરનામા ઉપર રોક લગાવી છે. જેથી તલાલા બેઠક ઉપર પેટાચૂંટણી નહીં યોજાય
સુપ્રીમ કોર્ટે આજે ભગવાન બારડને મોટી રાહત આપતા ચૂંટણીપંચનાં જાહેરનામા ઉપર રોક લગાવી છે. આ બાબત સૂચવે છે કે તલાલા બેઠક ઉપર પેટાચૂંટણી નહીં યોજાય. આ પૂર્વે ખનીજ ચોરીનાં જુના એક કથિત મામલામાં ભગવાન બારડને નીચલી અદાલતે દોષિત ઠેરવતા ગુજરાત વિધાનસભાનાં અધ્યક્ષે તમનુ ધારાસભ્ય રદ કર્યું હતું.
તાલાલા કોંગ્રેસના પૂર્વ ધારાસભ્ય ભગવાન બારડને કોર્ટે સજા કર્યા બાદ તેમના સસ્પેન્શન અને તાલાલાની પેટાચૂંટણી જાહેર કરવા મામલે આજે સુપ્રીમ કોર્ટે સુનાવણી હાથ ધરી હતી. જેમાં ગુજરાત ચૂંટણી પંચને લપડાક પડી છે. સુપ્રીમ કોર્ટે પેટાચૂંટણી રદ કરવાનો ચુકાદો આપ્યો છે.
જોકે પેટાચૂંટણીની જાહેરાત બાદ રવિવારે જ ભાજપે જસા બારડને ઉમેદવાર તરીકે જાહેર કર્યા હતા.આ પહેલાં ભગવાન બારડની તાલાલા બેઠકની પેટાચૂંટણી રદ કરવાની અરજી ગુજરાત હાઈકોર્ટે ફગાવી હતી. ત્યારબાદ ભગવાન બારડે સુપ્રીમ કોર્ટના દરવાજા ખટખટાવ્યા હતા.