ટેકનોલોજી / WhatsAppમાં આવશે નવું જબરદસ્ત ફીચર, થીમમાં રાખી શકશો તમારો ફેવરિટ કલર

WhatsApp Theme Color Feature: વોટ્સએપ આઈફોન યુઝર્સ માટે એક નવું કલર થીમ ફીચર લાવી રહ્યું છે, જેમાં યુઝર્સ પોતાની પસંદગી મુજબ ચેટ થીમનો કલર બદલી શકશે. આવો જાણીએ આ ફીચર વિશે

મેસેજિંગ પ્લેટફોર્મ વોટ્સએપ સતત નવા ફીચર્સ પર કામ કરી રહ્યું છે. નવી સુવિધાઓ પ્રથમ બીટા ટેસ્ટર્સ માટે રિલીઝ કરવામાં આવે છે અને પછી સામાન્ય લોકો માટે રોલઆઉટ કરવામાં આવે છે. દરમિયાન હવે WhatsApp પર નવી કલર આધારિત થીમ દેખાવા જઈ રહી છે, જે iPhone યુઝર્સ માટે છે. જો કોઈને આ ફેરફાર પસંદ ન હોય તો તે તેના મનપસંદ રંગ પ્રમાણે વોટ્સએપની થીમ સેટ કરી શકે છે.

iOS બીટા વર્ઝન પર ચાલી રહ્યું છે

અત્યાર સુધી અમે અમારા વોટ્સએપ પર માત્ર બે જ કલર થીમ જોતા આવ્યા છીએ, રેગ્યુલર મોડ અથવા ડાર્ક મોડ, પરંતુ હવે તમે તમારી પસંદગી મુજબ અલગ-અલગ કલર થીમ પસંદ કરી શકશો. આ સિવાય યુઝર્સ ચેટ બબલનો રંગ પણ બદલી શકશે. હાલમાં આ ફીચરનું ટેસ્ટિંગ WhatsAppના iOS બીટા વર્ઝન પર ચાલી રહ્યું છે. આ ફીચર iOS બીટા વર્ઝન 24.11.10.70માં જોવામાં આવ્યું છે, જે ધીમે ધીમે લોકો માટે રોલઆઉટ કરવામાં આવશે.

તમે કેવી રીતે કરી શકો છો તેનો ઉપયોગ ?

WABetaInfo અનુસાર આ ફીચરનો ઉપયોગ કરવા માટે તમારે તમારા WhatsApp એકાઉન્ટની સેટિંગ્સમાં જવું પડશે, અહીં તમને ચેટનો વિકલ્પ દેખાશે. જ્યારે તમે અહીં ક્લિક કરશો ત્યારે યુઝરે થીમ ઓપ્શન પર ક્લિક કરવાનું રહેશે. આ પછી વોટ્સએપ યુઝરને ડિફોલ્ટ ચેટ થીમ ઓપ્શન દેખાશે. તમે અહીં જે પણ રંગ પસંદ કરશો, તે ડિફોલ્ટ ચેટ થીમ બની જશે.

વધુ વાંચોઃ ખરાબ હેન્ડ રાઇટિંગને સુધારવાની સરળ અને કારગર ટિપ્સ, મોતીના દાણા જેવા લખી શકશો અક્ષરો

જ્યારે તમે આ થીમ બદલો છો, ત્યારે તમારી ચેટ બેકગ્રાઉન્ડ અને ચેટ બબલ બંનેનો રંગ બદલાઈ જશે. જાણકારી અનુસાર ઇન્સ્ટન્ટ મેસેજિંગ એપ યુઝર્સને પાંચ કલર ઓપ્શન આપી શકે છે. તેમાં લીલો, વાદળી, સફેદ, ગુલાબી અને વાયોલેટ જેવા રંગોનો સમાવેશ થાય છે.