તમારા કામનું / જોરદાર ગાડી! એકવાર ચાર્જ કરોને 439 કિલોમીટર દોડશે આ કાર, ફટાફટ જાણી લો ફિચર્સ

ZS EV ઇલેક્ટ્રિક કાર  આપે છે 439 કિમી સુધીની રેન્જ 
ZSની જેમ નવા શાર્પ LED હેડલેમ્પ્સ અને ટેલલાઇટ્સ 
ZS EVમાં છે 10.1 ઇંચની વિશાળ ટચસ્ક્રીન ડિસ્પ્લે

MG મોટરે જણાવ્યા મુજબ ZS EV ઇલેક્ટ્રિક કાર  439 કિમી સુધીની રેન્જ આપશે.  આ સિવાય નવી ઇન્ફોટેનમેન્ટ સિસ્ટમ, અને તેમાં મોટી બેટરી આપવામાં આવી છે. કંપની ભારતીય બજારમાં MG ZS EV નું વેચાણ પણ કરી રહી છે, જોકે અત્યારે તેને અપડેટ કરવામાં આવી હોય તેવા કોઈ સમાચાર નથી. 

કેવું છે એકસટીરિયર અને ઇન્ટિરિયર 
નવી MG ZS EV ઇલેક્ટ્રિક SUVની ફ્રન્ટ પ્રોફાઇલમાં મોટો ફેરફાર કરવામાં આવ્યો છે. તેમાં પેટ્રોલ એન્જિનવાળા ZS ની જેમ જ નવા શાર્પ LED હેડલેમ્પ્સ અને ટેલલાઇટ્સ આપવામાં આવ્યા છે. તેમાં ગ્રીલને અલગથી સ્થાપિત કરવામાં આવી ન હતી, તે બમ્પરનો જ એક ભાગ છે અને બોડી કલરમાં છે. ફ્રન્ટ બમ્પર પણ અપડેટ કરવામાં આવ્યું છે. પાછળની પ્રોફાઇલમાં થોડો ફેરફાર જોવા મળ્યો છે. આમાં એલોય વ્હીલ્સને પણ અપડેટ કરવામાં આવ્યા છે. 

10.1 ઇંચની વિશાળ ટચસ્ક્રીન ડિસ્પ્લે
આ ઇલેક્ટ્રિક SUV માં કેબિનની અંદર પણ ઘણા ફેરફાર કરવામાં આવ્યા છે. નવી MG ZS EV MG iSMART ઇન્ફોટેનમેન્ટ સિસ્ટમ સાથે 10.1 ઇંચની વિશાળ ટચસ્ક્રીન ડિસ્પ્લે ધરાવે છે. કંપનીનો દાવો છે કે તેમાં નવા ફીચર્સ , રિમોટ કંટ્રોલ ફંક્શન્સ અને વધુ કનેક્ટિવિટી ઓપ્શન મળે છે. તેમાં નવી ઇન્સ્ટ્રુમેન્ટ ક્લસ્ટર અને વાયરલેસ ચાર્જિંગ ટેકનોલોજી પણ રજૂ કરવામાં આવી છે.