પ્રેરણા / આવો બોસ ક્યાંય જોયો છે? તમામની સેલરી 50 લાખ કરી અને પોતાની આટલા કરોડ ઘટાડી દીધી

• ગ્રેવિટી પેમેન્ટસનાં માલિક ડેન પ્રીસનો નિર્ણય 
• વર્ષ 2015માં 120ના સ્ટાફને આપ્યો 50-50 લાખ પગાર 
• પોતાની આઠ કરોડની સેલેરીમાં સાત કરોડનો કાપ મુક્યો 

એક કાર્ડ પેમેન્ટ કંપનીનાં બોસની સેલેરી કરોડો રૂપિયા હતી. પરંતુ અચાનક એક દિવસ તેમણે પોતાની સેલેરી ઘટાડી દેવાનો નિર્ણય લીધો. સાથે જ જાહેરાત કરી કે સ્ટાફમાં ઓછામાં ઓછા 50 લાખ રૂપિયા સેલેરી આપશે. અમેરિકાના સીએટલમાં ડેન પ્રીસ એક પેમેન્ટ કંપની ચલાવે છે. ખૂબ નાની ઉંમરમાં જ તેમણે કંપનીની શરૂઆત કરી હતી. હાલ તેમની કંપની ખૂબ સારું બિઝનેસ કરે છે. 

ક્યારે આવ્યો વિચાર ? 

આશરે પાંચ વર્ષ પહેલાં જયારે તેમને જાણ થઇ કે તેમની નજીકની એક વ્યક્તિ બે નોકરી કરવા છતાં ઘર ખર્ચમાં મુશ્કેલી અનુભવે છે ત્યારે તેમને ખૂબ ગુસ્સો આવ્યો. તેમણે પોતાની જ કંપનીનો અભ્યાસ કર્યો તો ખબર પડી કે બધાની સેલેરી અસામાન છે. ગહન વિચાર બાદ તેમણે નિર્ણય લીધો કે પોતાની સેલેરી ઘટાડીને સ્ટાફ સેલેરી વધારી દેવામાં આવે. 

એક અહેવાલ અનુસાર ગ્રેવિટી પેમેન્ટસ કંપનીએ આ નિર્ણય સૌથી પહેલા વર્ષ 2015માં 120 સ્ટાફ માટે લીધો હતો. ડેનએ પોતાની 8 કરોડની વાર્ષિક સેલેરીમાં સાત કરોડ રૂપિયાનો કાપ મુક્યો. આજે પણ પોતાની સેલેરી ન્યૂનતમ રાખી છે અને આજે પણ તે જ વિચાર પર અડગ છે. 

અમેરિકામાં અસમાનતા વિરુદ્ધ લડવામાં ડેન પ્રમુખ ચહેરો બની ચુક્યા છે. ડેનું કહેવું છે કે લોકો ભૂખ્યા રહે છે અને તેમને નોકરીથી હટાવી દેવામાં આવે છે. તેમનો ફાયદો ઉઠાવવામાં આવે છે જેથી કોઈ ઉંચી બિલ્ડીંગના પેન્ટ હાઉસમાં સોનાની ખુરશીમાં કોઈ બેસી શકે. આપણો સમાજ લાલચની પ્રશંસા કરે છે.