ઉત્તર પ્રદેશમાં એવો કિસ્સો સામે આવ્યો છે જેને જાણીને તમે હચમચી ઉઠશો. જીન્સ પહેરવાની આટલી મોટી સજા ક્યારેય કોઇને નહી મળી હોય.
ભારતમાં છોકરીઓ ક્યારે સુરક્ષિત?
જીન્સ પહેરવાની સૌથી મોટી સજા આપી
પિતા મજૂરી કામ કરીને ગુજરાન ચલાવે છે
ઉત્તર પ્રદેશના દેવરિયા જીલ્લાના એક ગામમાં 17 વર્ષની નેહા પાસવાનની તેના દાદા-દાદી અને કાકા-કાકીએ મારી મારીને હત્યા કરી નાંખી હતી. નેહાની માતા શકુંતલાનો આરોપ છે કે, નેહા જીન્સ પહેરતી હતી જેના કારણે પરિવારના લોકોએ તેને મારી નાંખી છે.
લુધિયાણામાં કામ કરે છે પિતા
એક રિપોર્ટ અનુસાર, નેહાના પિતા અમરનાથ લુધિયાણામાં કામ કરે છે અને જે દિવસે આ ઘટના ઘટી ત્યારે તે લુધિયાણામાં જ હતા. અમરનાથના 4 બાળકો છે અને તેમને સારુ ભણતર મળી રહે તે માટે તે મજૂરી કરી રહ્યાં છે. તેમણે ક્યારેય તેમના બાળકોને શું પહેરવુ અને શું ન પહેરવું તેને લઇને ટોક્યા નથી.
9મા ધોરણમાં ભણતી હતી નેહા
નેહા પોતાના નાના ભાઇ વિવેક સાથે ઘરથી એક કિમી દુર આવેલ શાળામાં ભણતી હતી. 9મા ધોરણમાં તેનું હાલમાં જ એડમિશન થયુ હતુ અને નેહાથી એક મોટી બહેન છે જે ગ્રેજ્યુએટ છે અને ઘરમાં જ સિલાઇનું કામ કરે છે. મોટો ભાઇ વિશાલ 10મુ પાસ છે. તે ગુજરાતમાં કલર કામ કરે છે અને સૌથી નાનો ભાઇ વિવેક 7મા ધોરણમાં ભણે છે.
પોલીસ બનવાનું સપનુ હતુ
નેહાની માતાએ કહ્યું કે, નેહા પોલીસ બનવા ઇચ્છતી હતી. તે બ્રાઇટ સ્ટુડન્ટ હતી અને પરિવારની ગરીબી દુર કરવુ તેનું સપનુ હતુ પરંતુ તેનું સપનુ પુરુ થાય તે પહેલા પરિવારના લોકોએ તેને મોતને ઘાટ ઉતારી દીધી.
નેહાની માતાએ કહી કહાણી
સોમવારે નેહાએ વ્રત કર્યુ હતુ અને પૂજા કરવા ગઇ હતી. પૂજા સુધી તો કોઇએ કંઇ કહ્યું નહી પરંતુ જ્યારે તે જીન્સ પહેરીને પાછી આવી ત્યારે તેના દાદા-દાદી અને કાકા-કાકીએ કહ્યું કે અમે તને જીન્સ પહેરવા પણ નહી દઇએ અને ભણવા પણ નહી દઇએ. ત્યારે નેહાએ કહ્યું હતુ કે સરકારે જીન્સ પહેરવા માટે જ બનાવ્યુ છે તેની સાથે આરગ્યુમેન્ટ કરતા તેને મારવા લાગ્યા હતા અને તે દરમિયાન જ તેનું મોત થઇ ગયુ હતુ.