સ્વાગત / વતનની ધરા પર PM મોદીનું થશે ભવ્ય સ્વાગત, રોડ શો દરમિયાન વિવિધ સ્ટેજ પરફોર્મન્સ માટે ખાસ તૈયારી

• વડાપ્રધાનનું આજે ગુજરાતમાં થશે ભવ્ય સ્વાગત
• 50 જેટલા અલગ-અલગ સ્ટેજ બનાવવામાં આવ્યા
• ગુજરાતી ગરબા, રાજસ્થાની નૃત્યથી થશે સ્વાગત

વડાપ્રધાન નરેન્દ્ર મોદી આજથી બે દિવસના ગુજરાતના પ્રવાસે છે. ત્યારે અમદાવાદ એરપોર્ટ પર PM મોદીનું ભવ્ય સ્વાગત થશે. એરપોર્ટથી કમલમ સુધી PM મોદીનો યોજાશે ભવ્ય રોડ-શો યોજાવાનો છે. જેના બાદ પ્રદેશ કાર્યાલય કમલમમાં ગુજરાત ભાજપના નેતાઓ સાથે PMની બેઠક યોજાશે. આ ઉપરાંત GMDCમાં PM મોદી પંચાયત મહાસંમેલનમાં હાજરી આપશે. ત્યારે  PM મોદીના ભવ્ય સ્વાગત માટે વિવિધ કાર્યક્રમો યોજાવમાં આવ્યો છે. 

પીએમ મોદીનું થશે ભવ્ય સ્વાગત 

વતનની ધરા પર વડાપ્રધાનને રૂડો આવકાર 50 જેટલા અલગ અલગ સ્ટેજ બનાવવામાં જેમાં અલગ અલગ વેશભૂષા અને સાંસ્કૃતિક નૃત્યથી વડાપ્રધાનનું સ્વાગત કરવામાં આવશે. જેમાં ગુજરાતી ગરબા, રાજસ્થાનની નૃત્યથી સ્વાગત કરવામાં આવશે. ઉલ્લેખનીય છે કે, PM મોદીને આવકારવા માટે ઉત્તરપ્રદેશ, ગોવા, મીઝોરમના નૃત્યનો સમાવેશ કરવામાં આવ્યો છે. એરપોર્ટથી કમલમ સુધીના માર્ગે પર સાંસ્કૃતિક કાર્યક્રમ થકી PM મોદીનું અભિવાદન કરવામાં આવશે. દેશની અલગ અલગ સંસ્કૃતિને કલાકારો કરશે રજૂ કરશે 

દેશની અલગ અલગ સંસ્કૃતિને કલાકારો કરશે રજુ

જેમાં મધ્યપ્રદેશના કલાકારો બધાઇડાન્સ કરી સ્વાગત કરશે, તો રાજસ્થાનના કાબેલિયા ડાન્સથી કરાશે અભિવાદન કરશે, ઓડિશાના કલાકારો ઓડિશાનો ડાન્સ રજૂ કરાશે,  ઉત્તરપ્રદેશની મયુરડાન્સથી પ્રધાનમંત્રીનું કરાશે અભિવાદન કરાશે, મીઝોરમ બામ્બુ ડાન્સ, ગોવાનું કોલી, આસામનું ઝુંમર નૃત્ય, કેરળના કલાકારો કથ્થકલી નૃત્ય, મહારાષ્ટ્રનું લેઝીમ નૃત્ય, ગુજરાતનું આદિવાસી નૃત્ય સાથે સીદી ધમાલ નૃત્ય અને ગરબાથી સ્વાગત કરાશે 

PM મોદીનો ગાંધીનગર સ્થિત કમલમ સુધી રોડ-શો યોજાશે

ઉલ્લેખનીય છે કે, PMO અને ભાજપના નિર્ધારિત કાર્યક્રમ મુજબ વડાપ્રધાન મોદી આજે સવારે 10.30 વાગે અમદાવાદ એરપોર્ટ પર આવી પહોંચશે. એરપોર્ટથી ગાંધીનગર સ્થિત કમલમ સુધી PM મોદીનો રોડ-શો યોજાશે. 10 કિમી લાંબા આ માર્ગ પર 4 લાખ લોકોની જનમેદની ઉમટવાનો ભાજપે દાવો કર્યો છે. મહત્વનું છે કે,કોરોના પછી PM મોદીનો આ સૌથી મોટો કાર્યક્રમ છે. પ્રધાનમંત્રીના આગમને લઈ રન વે ખુલો રહેશે પ્રદેશ કાર્યાલય કમલમ્ ખાતે પીએમ મોદીનું પાર્ટી દ્વારા ભવ્ય સ્વાગત કરવામાં આવશે