અરવલ્લી જિલ્લામાં આજે 21 ગ્રામપંચાયતના સરપંચ અને સભ્યો માટે ચૂંટણી યોજાઈ છે. મતદારો મતદાન કરવા માટે મતદાન મથકે પહોંચી રહ્યા ગયા. અરવલ્લી જિલ્લામાં 21 ગ્રામપંચાયતો માટે 67 મતદાન પથકો પર મતદાન થઈ રહ્યુ છે.
જેના માટે 400 EVM મશીનો પણ મુકવામાં આવ્યા છે. આ દરમિયાન કોઈ અનિચ્છનીય બનાવ ન બને તે માટે 700 જેટલા પોલીસ અને બૂથના સ્ટાફો પણ તૈનાત કરવામાં આવ્યા છે.
તો આ તરફ વલસાડમાં 5 ગ્રામ પંચાયતોના સરપંચ અને સભ્યો માટે ચૂંટણી યોજાઈ છે. મતદાન મથકો ઉપર મતદારોમાં ઉત્સાહ જોવા મળી રહ્યો છે. જિલ્લાની મોટાપોંઢા દિવસી સોનવાડા પંચલાઈ અને પાલી કરમબેલી ગ્રામ પંચાયતોની ચૂંટણી માટે મતદાન યોજાયુ છે.
મતદારો સરપંચ અને ગ્રામ પંચાયતના સભ્ય પદના ઉમેદવારોના ભાવિનો ફેસલો કરશે. આ દરમિયાન કોઈ અનિચ્છનીય બનાવ ન બને તે માટે પોલીસને ચૂસ્ત બંદોબસ્ત પણ ગોઠવી દેવામાં આવ્યો છે.
ઉલ્લેખનીય છે કે ગ્રામ પંચાયતની ચૂંટણીને પગલે સવારથી જ મતદારો આવી પહોંચ્યા હતા અને મતદાન કર્યું હતું. જો કે કોઇ અઘટિત બનાવ ના બને તે માટે સ્થાનિક પોલીસ દ્વારા પણ ખાસ બંદોબસ્ત ગોઠવી દેવામાં આવ્યો હતો.