સોશિયલ મીડિયાના માધ્યમથી એક જાગૃત નાગરિકે સસ્તા અનાજની દુકાનમાંથી અનાજની ગરબડ થતી હોવાનો કર્યો ખુલાસો, મહેસાણાના ભાલુસણા ગામનો વીડિયો વાયરલ
સસ્તા અનાજ દુકાન સંચાલકની ખોલી પોલ
અનાજ વજન સમયે કઇરીતે થાય છે ગોટાળો ?
ગોટાળાનો આ છે મોટો પુરાવો
મહેસાણાના ભાલુસણા ગામનો વીડિયો વાયરલ થયો છે. જેમાં ગરીબોના અનાજમાં પણ વજનની ગરબડ કરવાનો ખુલાસો કરાયો છે. જાગૃત નાગરીકે સસ્તા અનાજ દુકાન સંચાલકની પોલ ખોલતો વીડિયો વાઈરલ કર્યો છે. દુકાન સંચાલક ઓછુ અનાજ આપતો હોવાનો આક્ષેપ કરાયો છે. 30 કિલોના બદલે 26 કિલો જ અનાજ અપાતું હોવાનું વીડિયોમાં દેખાઈ રહ્યું છે. વીડિયોમાં બે તોલ કાંટામાં અલગ અલગ વજન જોવા મળ્યું હતું. તોલ કાંટામાં ગરબડી કરી ઓછું અનાજ અપાતું હોવાનો આક્ષેપ કર્યો છે. ગામ લોકોને જાણ થતાં ગામ લોકોએ દુકાન પર હોબાળો કર્યો હતો. ગામ લોકોએ સતલાસણા મામલતદારને આ અંગે લેખિતમાં રજૂઆત પણ કરી હતી.