PI પરીક્ષા / કોરોનાકાળ બાદ ગુજરાતમાં પ્રથમ વખત યોજાઇ GPSCની પરીક્ષા, દિનેશ દાસાએ આપ્યું મહત્વનું નિવેદન

• GPSCની પોલીસ ઇન્સપેક્ટરની પરીક્ષા આજે યોજાઈ
• અનેક વિદ્યાર્થીઓ પોતાનું કિસ્મત અજમાવી
• કોરોનાના કારણે માર્ચ મહિનામાં પરીક્ષા રદ્દ કરવામાં આવી હતી

માર્ચ મહિનામાં પરીક્ષા યોજાવાની હતી જોકે કોરોના મહામારી અને લોકડાઇન કારણે પરીક્ષા મોકૂફ રખાઇ હતી. ત્યારે આજે પરીક્ષા યોજાતા લાંબા સમયની મહેનત કરતા વિદ્યાર્થીઓએ રાહતનો શ્વાસ લીધો છે. ત્યારે હવે GPSC ચેરમેન દિનેશ દાસાએ કહ્યું કે, રાજ્યના 32 જિલ્લાઓમાં GPSCની પરીક્ષા યોજાઇ છે. 556 કેન્દ્રો પર શાંતિપૂર્ણ રીતે પરીક્ષા યોજાઇ છે. 1 લાખ 46 હજાર 230 ઉમેદવારોએ રજીસ્ટ્રેશન કરાવ્યું હતું. શાંતિપૂર્ણ પરીક્ષાના આયોજન માટે તંત્ર-ઉમેદવારોનો આભાર. 

I am happy to share that the GPSC has successfully conducted Preliminary Exam for Police Inspector across 32 districts of the state. I congratulate and thanks all candidates for their peaceful participation and exam machinery for relentless efforts in transparent conduct of exam.

— Dinesh Dasa (@dineshdasa1) January 3, 2021

વધુમાં દાસાએ કહ્યું કે, GPSC ક્લાસ-1, ક્લાસ-2ની મુખ્ય લેખીત પરીક્ષા 14, 21 અને 28 ફેબ્રુઆરીએ યોજાવાની હતી. જેમાં બન્ને પેપર વચ્ચે 1 અઠવાડિયાનો સમય રહેતો હતો. જોકે હવે 2-3 દિવસમાં નવી તારીખ જાહેર કરવામાં આવશે. હવે વિદ્યાર્થીઓને પ્રતિકુળ પડે તેવી પરીક્ષા નહીં ગોઠવાય, પરંતુ અનુકુળ પડે તેવી પરીક્ષા યોજાશે.

વધુમાં દાસાએ કહ્યું કે, આ પરીક્ષા 29 માર્ચ 2020ના રોજ યોજવાની હતી. લોકડાઉનની પરિસ્થાનીને લઇને 10 મહિના સુધી મોટા સ્કેલની પરીક્ષા ન યોજાઇ શકી. પરંતુ ડિસેમ્બરના સમયગાળામાં 20 જેટલી પરીક્ષાઓ યોજવામાં આવી છે. 92 પરીક્ષાઓ મોકૂફ રહી છે તેનું શેડ્યૂલ રજૂ કર્યું છે.

556 કેન્દ્રો પર શાંતિપૂર્ણ રીતે પરીક્ષા

રાજ્યના  556 કેન્દ્રો પર GPSCની પરીક્ષા યોજાઇ હતી. અમદાવાદના 90 કેન્દ્રો પર 20 હજાર ઉમેદવાર, સુરતના 31 પરીક્ષા કેન્દ્રો પર 8600 જેટલા ઉમેદવાર, વડોદરાના 18 કેન્દ્રો પર 4672 ઉમેદવાર અને રાજકોટમાં 34 પરીક્ષા કેન્દ્રો પર 8118 ઉમેદવાર પરીક્ષા આપી છે. કોરોનાને લઇને તમામ પરીક્ષા કેન્દ્રો ઉપર આરોગ્ય વિભાગની ટીમ દ્વારા પરીક્ષાર્થીઓનું થર્મલ ક્રિનિંગ કરાવીને પરીક્ષા કેન્દ્રોમાં પ્રવેશ આપવામાં આવ્યો હતો.