ગુજરાતમાં GPSC દ્વારા 2018માં લેવાયેલી પરીક્ષાનું પરિણામ જાહેર કરવામાં આવ્યું છે. જો કે આ પરિણામમાં ચેડા કરવામાં આવ્યા હોવાનું સામે આવ્યું છે. જેમાં ભાવિક નામના આરોપીએ ચેડા કરી પોતાનું નામ લખ્યું છે. જોકે ચેડા કર્યા બાદ પોતાને ઓર્ડર આપવાની શખ્સે માગ કરી હતી.
ગાંધીનગરમાં GPSC દ્વારા 2018માં લેવાયેલી પરિક્ષાનું 2019માં પરિણામ જાહેર કરાયું. આ પરીક્ષામાં ખોટા દસ્તાવેજથી એક શખ્સે નોકરી મેળવવાનો પ્રયાસ કર્યો હતો. આ મામલે તપાસ કર્યા બાદ યુવક સામે ફરિયાદ થઈ.
મળતી માહિતી મુજબ 2018માં GPSC દ્વારા ક્લાસ-1 અને 2ની પરીક્ષા બાદ 2019માં પરિણામ જાહેર કરાયું. પરિણામમાં અનુક્રમ નંબર-13માં ફાલ્ગુન પંચાલનું નામ હતું. જોકે આરોપી ભાવિને એડિટીંગ કરીને અનુક્રમ નંબર-13 પર પોતાનું નામ હોવાનો GPSCમાં દાવો કર્યો. ખોટા દસ્તાવેજ રજૂ કરીને ભાવિને ઓર્ડર આપવાની માગ કરી.
આ મામલે તપાસ કરતા ભાવિનનો પ્રિલિમરી પરીક્ષાનો કેન્દ્ર ભુજની આલ્ફેડ સ્કૂલમાં હોવાનું સામે આવ્યુ. આ શખ્સે પ્રિલિમરી પરીક્ષા જ ન આપી હોવાનું સામે આવ્યુ. સમગ્ર ઘટના બાદ GPSCએ શખ્સ પર તમામ પરીક્ષાને લઈને પ્રતિબંધ મુક્યો. ત્યારે હવે ગાંધીનગરમાં સેક્ટર-7માં ભાવિક નામના શખ્સ સામે ફરિયાદ નોંધાઈ છે.