સમગ્ર ભારત અને ગુજરાત પણ કોરોના સામે જંગ લડી રહ્યું છે. ત્યારે ગુજરાત પબ્લિક સર્વિસ કમિશન એટલે કે GPSCમાં વર્ગ 1-2ની પરીક્ષાના ઉમેદવારો માટે મોટા સમાચાર સામે આવ્યા છે. મંગળવારે 1-8-18ના પરિપત્ર અંગે ગુજરાત હાઈકોર્ટની સ્પષ્ટતા બાદ GPSC હવે 103 ભરતીના પરિણામ જાહેર કરી શકશે. તો બીજી તરફ વર્ગ-1 અને વર્ગ-2ની પરીક્ષાનું પરિણામ રિવાઈઝ કરાશે.
GPSC હવે 103 ભરતીના પરિણામ જાહેર કરી શકશે
GPSCમાં વર્ગ 1-2ની પરીક્ષાના ઉમેદવાર માટે મોટા સમાચાર
સરકાર દ્વારા પરિપત્રમાં સુધારો કર્યા બાદ રિવાઈઝ થશે પરિણામ
રાજ્યમાં મહિલા અનામતની અમલવારી મુદ્દે ગુજરાત હાઈકોર્ટે રાજ્ય સરકાર અને ગુજરાત જાહેર સેવા આયોગને નિર્દેશ કર્યા છે. મહિલા અનામતની જોગવાઇઓના પાલન માટે માર્ગદર્શિકા જાહેર કરી અને સીધી લીટીની અનામતની અમલવારી કરવા સમજણ આપી છે. જેથી હવે 1-8-18ના પરિપત્ર અંગે સ્પષ્ટતા બાદ પરિણામની શક્યતા દેખાઇ રહી છે. 97 ટકા કેન્ડિડેટના પરિણામ વિવાદાસ્પદ પરિપત્રથી પેન્ડિંગ છે. 3667 પોસ્ટ પૈકી 3395 પોસ્ટના પરિણામો પેન્ડીંગ રહ્યાં છે. 1.71 લાખ પૈકી 1.66 લાખ પરીક્ષાર્થીઓને પરિણામની રાહ જોવાઇ રહી છે. 6 માસથી GPSCએ એકપણ પરિણામ જાહેર નથી કર્યા. મહત્વનું છે કે, અગાઉ GPSCએ વિવાદાસ્પદ 1-8-18ના પરિપત્રનો બને તેટલો ઝડપી ઉકેલ લાવી શકાય તે માટે હાઈકોર્ટને વિનંતી કરી હતી.
વર્ગ -1 અને વર્ગ-2ની પરીક્ષાનું પરિણામ રિવાઈઝ કરાશે
તો બીજી તરફ GPSCમાં વર્ગ 1-2ની પરીક્ષાના ઉમેદવાર માટે મોટા સમાચાર સમાચાર સામે આવ્યાં છે. વર્ગ- 1 અને વર્ગ-2ની પરીક્ષાનું પરિણામ રિવાઈઝ કરાશે. સરકાર દ્વારા પરિપત્રમાં સુધારો કર્યા બાદ રિવાઈઝ પરિણામ થશે. જાન્યુઆરી-2020માં વર્ગ 1-2નું પરિણામ જાહેર થયું હતું. 1-8-18ના પરિપત્રને આધિન પરિણામ જાહેર કરાયું હતું. વર્ષ-2019માં GPSC વર્ગ 1-2ની પરીક્ષા યોજાઈ હતી.