પંચમહાલ જિલ્લા પંચાયતના સિક્કાનો દુરુપયોગ થતો હોવાનું સામે આવ્યું છે. વડોદરાના એરપોર્ટ સર્કલ રોડ પર સિક્કા મારતા શખ્સો ઝડપાયા છે. ગુજરાત મુલ્કી સેવાની પરીક્ષાના મટિરિયલ પર શખ્સો સરકારી સિક્કા મારી રહ્યાં હતા. આ તમામ ઘટના સરકારી સિક્કા અને મટિરિયલ ઉપર થઈ રહી હતી. કંઈક ગેરકાયદે રંધાઈ રહ્યુ હતુ જે કેમેરામાં ઝડપાતા રસ્તા ઉપર કચેરી ભરીને બેઠેલા શખ્સો રફ્ફુચક્કર થઈ ગયા હતા.
પંચમહાલના DDO હજુ ઉંઘે છે
સરકારી કામ કાજ રોડ ઉપર થાય છે
કેમેરો ચાલુ હોવાની ખબર પડતા પોબારા ગણી ગયા
ખાતાકીય પરીક્ષા માટે ઉપયોગમાં લેવાતા સાહિત્યનો દુરુપયોગ થઇ રહ્યો હોય તેવું લાગી રહ્યું છે. અને મોટી વાત તો એ છે કે સમગ્ર ઘટનામાં પંચમહાલ ડીડીઓને કોઇ જાણ જ નથી. આ જિલ્લા પંચાયતના સહી સિક્કા હોય તો જ આ મટિરિયલ સાથે પરિક્ષામાં બેસી શકાય તેવો નિયમ છે. જેને લઇ આ મટિરિયલ અને પંચમહાલ જિલ્લા પંચાયતના સિક્કાનો ગેરકાયદે ઉપયોગ થતો હોય તેવું લાગી રહ્યું છે. ત્યારે આ દરમિયાન સિક્કા મારી રહેલા શખઅસોએ VTVના કેમેરાને ઝૂંટવાનો પણ પ્રયાસ કર્યો હતો. પરંતુ બાદમે તેઓ ત્યાંથી ભાગી ગયા હતા.
શું થયો સંવાદ?
VTVના રિપોર્ટર અને આ અજાણ્યા શખ્સો વચ્ચે થયેલો સંવાદ ખરેખર ચોંકાવનારો હતો. જેમાં રિપોર્ટે પૂછ્યુ હતુ કે આ શેના સિક્કા છે જેના જવાબમાં શખ્સોએ જણાવ્યુ હતુ કે આ તો પંચાયતના સિક્કા છે. તો અહિં કેમ મારો છો? અહીંથી વહિવટ કરો છો? તો જવાબ આવ્યો હતો કે આ તો અમારી એક્ઝામની બુક છે જેના ઉપર અમે સિક્કા મારી રહ્યા છે. વધારે પડપૂછ થતા ત્યાં હાજર રહેલા લોકો નાઠા હતા.
પંચમહાલ જિલ્લાના DDOને આ અંગે જાણ છે કે નહી
પંચમહાલ જિલ્લા પંચાયતના સિક્કા આ શખ્સો પાસે ક્યાંથી આવ્યા? રસ્તા પર જ ખોલી દેવાઇ પંચમહાલ જિલ્લા પંચાયતની કચેરી? કેમેરો જોઇ કેમ ભાગ્યા શખ્સો? કોની પરવાનગીથી ગુજરાત મુલ્કી સેવાની પરીક્ષાના મટિરિયલ પર માર્યા સિક્કા? શું પંચમહાલ DDOને આ અંગે કોઇ જાણ કરી હતી? વડોદરામાં રસ્તા પર પંચમહાલ જિ.પં.ના સિક્કા મારવાનું કામ ? કેટલા સમયથી ચાલે છે આ ગેરકાયદે પ્રવૃત્તિ?