ગુજરાતમાં આજે GPSCની પરીક્ષા યોજાઈ છે જેમાં 32 જિલ્લામાંથી 2.34 લાખ યુવાનો આ પરીક્ષા આપી રહ્યા છે. આ પરીક્ષા વર્ગ 3ની DySO એટલે કે, ડેપ્યુટી મામલતાર માટેની જગ્યા માટે યોજાઈ છે. તાજેતરમાં જ ગૌણ સેવા પરીક્ષા પસંદગી મંડળ દ્વારા લેવાતી બિન સચિવાલયની પરીક્ષામાં થયેલી ગેરરીતિને પરિણામે આજની પરીક્ષામાં બંદોબસ્ત કડક કરવામાં આવ્યો છે.
2.34 લાખ વિદ્યાર્થી આપી રહ્યા છે પરીક્ષા
ડેપ્યુટી સેકશન ઓફિશરની 154 પોસ્ટ છે ખાલી
ક્લાસ-3 માટે યોજાઈ છે પરીક્ષા
ગુજરાત પબ્લિક સર્વિસ કમિશન ( GPSC )ની ડેપ્યુટી સેકશન ઓફિશર ( Deputy Section Officer - DySO )ની પરીક્ષા યોજાઈ છે. ડેપ્યુટી મામલતદારની આ જગ્યા માટે 2.34 લાખ પરીક્ષાર્થી પરીક્ષા આપશે. DySO ક્લાસ 3ની 154 જગ્યા માટે પ્રિલિમનરી પરીક્ષા યોજવામાં આવી છે જેમાં 32 જિલ્લામાં 902 સેન્ટર ઉપર આ પરીક્ષા આજે લેવાઈ રહી છે. 2 કલાકની પરીક્ષામાં 200 ગુણ રહેશે.
બિન સચિવાલયની પરીક્ષાને પગલે સ્કોવડની બાજ નજર
બિનસચિવાલયની પરીક્ષા થયેલી ગેરરીતિને ધ્યાનમાં રાખી પરીક્ષાર્થીઓને બંધ ફોન પણ અંદર લઈ જવા દેવામાં નહીં આવે. આજે તેમને સદ્તંર બંધ કરી દેવામાં આવશે. ગેરરીતિને પગલે બિન સચિવાલયના ઉમેદવારોએ આંદોલન પર ઉતરવું પડ્યુ હતુ જો કે આજે પરીક્ષા હોવાથી ગાંધીનગરમાં આંદોલન કરી રહેલા વિદ્યાર્થી પરીક્ષા માટે એક દિવસનો બ્રેક લીધો હતો.