નિર્ણય / GPSCની વધુ એક પરીક્ષા મોકૂફ રખાઈ, આગામી સમયમાં નવી તારીખ કરાશે જાહેર

• નર્સિંગ સુપ્રીટેન્ડન્ટની પ્રાથમિક કસોટી મૌકૂફ
• ઉમેદવારોની વ્યસ્તતાને ધ્યાને રાખીને GPSCનો નિર્ણય
• કસોટીના અનેક અરજદારો આરોગ્ય સેવા સાથે છે જોડાયેલા

નર્સિંગ સુપ્રીટેન્ડન્ટ વર્ગ 2ની પ્રાથમિક કસોટી મૌકૂફ રાખવાનો નિર્ણય લેવાયો છે. કોરોનાની કામગીરીમાં વ્યસ્ત ઉમેદવારોની વ્યસ્તતાને ધ્યાને રાખીને અને કોરોના સંક્રમણના પગલે GPSCએ નિર્ણય લીધો છે. કસોટીના અનેક અરજદારો આરોગ્ય સેવા સાથે જોડાયેલા છે. 23 જાન્યુઆરીએ નર્સિંગ સુપ્રીટેન્ડન્ટની યોજાવાની પરીક્ષા હતી. પરીક્ષાની નવી તારીખ આગામી સમયમાં જાહેર કરાશે.

હાલમાં જ રાજ્ય સરકારે આરોગ્ય વિભાગમાં કાર્યરત તમામ આરોગ્ય કર્મચારીઓની રજા રદ્દ કરી છે. અગાઉ ઉમેદવારોએ પરીક્ષા મોકુફ રાખવા આયોગને વિનંતી કરી હતી.

જો આગામી સમયમાં સ્થિતિ સુધરશે તો ઓફલાઇન પરીક્ષા લેવાશે

રાજ્યની સૌથી મોટી ટેક્નિકલ યુનિવર્સિટી GTUએ 20મી જાન્યુઆરીથી શરૂ થનારી UG, PG, Diploma સહિતના કોર્ટની ઓફલાઇન મોડની પરીક્ષા પણ મોકૂફ રાખ્યાની જાહેરાત કરાઈ છે. જો આગામી સમયમાં સ્થિતિ સુધરશે તો ઓફલાઇન પરીક્ષા લેવામાં આવશે. GTUની વિન્ટર સેમેસ્ટરની ડિગ્રી-ડિપ્લોમાની પરીક્ષા 20મીથી શરૂ થવાની હતી.