જુલાઇ મહિનામાં જ 48 પરીક્ષાઓ લેવામાં આવશે. આગામી ચાર મહિનામાં 162 જેટલી પરીક્ષાઑ લેવામાં આવશે
GPSCના ચેરમેન દિનેશ દાસા સાથે VTVની ખાસ વાતચીત
પેન્ડેમિકમાં અટકેલી 162 ભરતીઓ પર કામગીરી શરુ કરાઈ
RFO, DYSO, STATE TAX પરીક્ષાઓ આગામી સમયમાં લેવાશે- દિનેશ દાસા
જુલાઈ માસમાં અલગ અલગ વિભાગની 48 પરીક્ષાઓ લેવાશેઃ દિનેશ દાસા
ગુજરાત સહિત આખો દેશ કોરોના વાયરસ સામે લડી રહ્યો છે ત્યારે દેશના અનેક ક્ષેત્રોને મહામારીના કારણે ફટકો પડ્યો છે. કેટલાય લોકોએ રોજગારી ગુમાવી છે જ્યારે શિક્ષણ ક્ષેત્રને પણ મોટો ફટકો પડ્યો છે. મહામારીના કારણે કેટલીક સરકારી ભરતીઓ પણ અટકી પડી છે કારણ કે પરીક્ષા યોજી શકાય તેમ નથી. એવામાં GPSCના ચેરમેન દિનેશ દાસાએ VTV સાથે ખાસ વાતચીતમાં આગામી પરીક્ષાઓને લઈને મોટું એલાન કર્યું છે.
PI, ક્લાસ 1-2ની મુખ્ય પરીક્ષાઓ આગામી સમયમાં લેવાશેઃ દિનેશ દાસા
દિનેશ દાસાએ જણાવ્યું કે 162 જેટલી અલગ અલગ પરીક્ષાઓની જાહેરાત કરવામાં આવી છે અને તે માટે 13 જૂનથી કાર્યક્રમ શરૂ થઈ ગયો છે. જુલાઇ મહિનામાં જ 48 પરીક્ષાઓ લેવામાં આવશે. આગામી ચાર મહિનામાં 162 જેટલી પરીક્ષાઑ લેવામાં આવશે. જેમાં PI, DYSO, CLASS 1 અને 2ની મુખ્ય પરીક્ષાઓ લેવામાં આવશે. આ સિવાય તબીબી, શિક્ષણ ક્ષેત્રની જગ્યાઓ માટે પણ આગામી સમયમાં પરીક્ષા લેવામાં આવશે. 2020 અને 21માં જેટલી ભરતી જાહેર કરવામાં આવશે તે પૂર્ણ કરવામાં આવશે.
2020-2021માં જાહેર કરેલી તમામ ભરતીઓ પૂર્ણ કરવામાં આવશે
નોંધનીય છે કે કોરોના વાયરસના કારણે પરીક્ષા ન થતાં ફોર્મ ભરીને પરીક્ષાની રાહ જોતાં વિદ્યાર્થીઓ માટે આ રાહતના સમાચાર કહી શકાય. કેટલાય પરીક્ષાર્થીઓ લાંબા સમયથી તૈયારીમાં લાગેલા છે પરંતુ પરીક્ષા જ ન લેવાતા નિરાશ થયા હતા.