મહામારી / ફાયદો ઓછો, જોખમ ઘણું, AIIMSના એક્સપર્ટે બાળકોના વેક્સિનેશન પર ઉઠાવ્યાં સવાલ, જાણો શું કહ્યું

• ઓલ ઈન્ડીયા મેડિકલ સાયન્સના વરિષ્ઠ મહામારી નિષ્ણાંત ડોક્ટર સંજયનું નિવેદન
• બાળકોના વેક્સિનેશનનો નિર્ણય અવૈજ્ઞાનિક 
• જે દેશોમાં બાળકોનું વેક્સિનેશન થયું ત્યાંથી ડેટા મંગાવો

3 જાન્યુઆરીથી શરુ થઈ રહેલા 15થી 18 વર્ષની વયના બાળકોના વેક્સિનેશનની પીએમ મોદીની જાહેરાતના એક દિવસ બાદ નિષ્ણાંતોએ નિર્ણય પર સવાલ ઉઠાવ્યાં છે. ઈન્ડીયન પબ્લિક હેલ્થ એસોસિએશનના પ્રમુખ ડોક્ટર સંજય કે રાયે  બાળકોનું  વેક્સિનેશન કરવાનો સરકારના નિર્ણય અવૈજ્ઞાનિક છે. તેમણે કહ્યું કે બાળકોનું વેક્સિનેશન કરવાથી કોઈ વધારાનો ફાયદો નહીં થાય. ડોક્ટર સંજય કે રાયે જણાવ્યું કે બાળકોના વેક્સિનેશન પર નિર્ણય લેતા પહેલા એ દેશોના આંકડાનું વિશ્લેષણ કરવુ જોઈએ કે જેમણે બાળકોનું વેક્સિનેશન શરુ કર્યું છે. 

પીએમ મોદીએ બાળકોની રસીકરણની જાહેરાત કરી 

ઓમિક્રોન ખતરાની વચ્ચે દેશમાં કોવિડ-19ની ત્રીજી લહેર અને વધતા કેસોની આશંકા વચ્ચે પીએમ નરેન્દ્ર મોદીએ શનિવારે રાષ્ટ્રને સંબોધન માં જાહેરાત કરી હતી કે આવતા વર્ષે 3 જાન્યુઆરીથી 15થી 18 વર્ષની વયના કિશોરો માટે રસીકરણ અભિયાન શરૂ કરવામાં આવશે. તેમણે કહ્યું કે આ નિર્ણયથી કોરોના વાયરસ સામેની દેશની લડાઈ મજબૂત થશે એટલું જ નહીં પરંતુ શાળાઓ અને કોલેજોમાં જતા બાળકોની અને તેમના માતાપિતાની ચિંતાઓ પણ ઓછી થશે.

પીએમ મોદીના નિર્ણય પર નિરાશા વ્યક્ત કરી 

ડૉ.રાયે પીએમઓને ટેગ કરતા ટ્વીટમાં કહ્યું કે, "હું પીએમ મોદીનો રાષ્ટ્રની નિઃસ્વાર્થ સેવા અને યોગ્ય સમયે યોગ્ય નિર્ણય લેવા માટે મોટો ચાહક છું, પરંતુ બાળકોના રસીકરણ અંગેના તેમના અવૈજ્ઞાનિક નિર્ણયથી હું સંપૂર્ણપણે નિરાશ છું." ડો. રાયે પોતાનો અભિપ્રાય સ્પષ્ટ કર્યો હતો અને કહ્યું હતું કે કોઈ પણ હસ્તક્ષેપ સ્પષ્ટ છે લક્ષ્ય હોવું જોઈએ. તેનો હેતુ કાં તો કોરોના વાયરસના ચેપને રોકવાનો છે અથવા ગંભીરતા અથવા મૃત્યુને અટકાવવાનો છે.

'કોરોના સંક્રમણને રોકવામાં નિષ્ફળ રહ્યું છે વેક્સિનેશન પરંતુ...

મહામારી નિષ્ણાંત ડોક્ટર રાયે કહ્યું કે વેક્સિન અંગે આપણી પાસે જે પણ માહિતી ઉપલબ્ધ છે તે  સંક્રમણમાં સેંધ લગાવવા અસમર્થ છે. કેટલાક દેશોમાં બુસ્ટર શોટ લીધા બાદ પણ લોકોને ચેપ લાગી રહ્યો છે." આ ઉપરાંત યુકેમાં દરરોજ 50,000 ચેપના કેસ નોંધાઈ રહ્યા છે. આવા કિસ્સામાં, તે સાબિત કરે છે કે રસીકરણ કોરોના વાયરસના ચેપને રોકી રહ્યું નથી, પરંતુ રોગની તીવ્રતા અને મૃત્યુને રોકવામાં રસી અસરકારક છે.

વેક્સિનેશન કોવિડ-19ના મૃત્યુને રોકવામાં અસરકારક

ડોક્ટર રાયે કહ્યું કે સંવેદનશીલ વસ્તીમાં કોવિડ-19ને કારણે મૃત્યુદર લગભગ 1.5 ટકા છે, એટલે કે દર મિલિયન વસ્તીમાં 15,000 મૃત્યુ. સાથે જ તેમણે કહ્યું હતું કે, "રસીકરણ દ્વારા આપણે  80થી 90  મોતને અટકાવી શકીએ છીએ. 

કોરોનાથી બાળકોના મોતની સંખ્યા ઓછી

ડોક્ટરે રાયે કહ્યું કે ચેપની તીવ્રતા ખૂબ ઓછી છે અને જાહેર ક્ષેત્રમાં ઉપલબ્ધ ડેટા અનુસાર દર મિલિયન વસ્તીમાં માત્ર બે જ મૃત્યુ નોંધાયા છે. ડૉ. રાયે સમજાવ્યું હતું કે, "બાળકોનો મૃત્યુઆંક પુખ્ત વયના લોકો (15,000 મૃત્યુ) કરતાં ઘણો ઓછો છે અને પ્રતિકૂળ અસરોને ધ્યાનમાં રાખીને, જો તમે જોખમ અને લાભોનું વિશ્લેષણ કરો છો, તો ઉપલબ્ધ ડેટાના આધારે લાભ કરતાં જોખમ વધુ છે," ડો. રાયે સમજાવ્યું હતું. "બાળકોમાં રસીકરણ શરૂ કરવું એ બંને ઉદ્દેશોને પૂર્ણ કરી રહ્યું નથી.