કેન્દ્ર સરકાર દ્વારા રચિત કોવિડ ટાસ્ક ફોર્સના ચીફ ડોક્ટર વીકે પોલે જણાવ્યું કે નવેમ્બર-ડિસેમ્બરમાં બાળકોને કોરોનાની વેક્સિન મળી શકે છે.
કોવિડ ટાસ્ક ફોર્સના ચીફ ડોક્ટર વીકે પોલનું નિવેદન
નવેમ્બર-ડિસેમ્બરમાં બાળકોને મળશે કોરોના વેક્સિન
સરકાર બાળકોની કોરોના વેક્સિન પર કામ કરી રહી છે
દુનિયાના ઘણા દેશોમાં નાના બાળકોને કોરોના વેક્સિન મળવા લાગી છે. પરંતુ ભારતમાં આ પ્રક્રિયા હજુ શરૂ થઈ નથી. કોવિડ ટાસ્ક ફોર્સના વડા વી.કે.પોલે ભારત સરકારની વ્યૂહરચના વિશે વિસ્તૃત ચર્ચા કરતા જણાવ્યું કે બાળકોને પણ રસી મળશે, સરકાર તેના પર કામ કરી રહી છે.
બાળકોની રસી પર શું અપડેટ્સ?
પોલે જણાવ્યું કે ઘણા દેશોમાં બાળકોને કોરોના રસી મળી રહી છે. પોલ દ્વારા હાલ માટે કોઈ સમયરેખા આપવામાં આવી રહી નથી. કોવિડ-19ને રોકવા માટે રસીકરણના મહત્વ પર ભાર મૂકતાં પોલે કહ્યું હતું કે અમે તમામ લાયકાત ધરાવતા લોકોને રસી આપવા માટે સંપૂર્ણપણે સક્ષમ છીએ.તેમણે કહ્યું હતું કે, "રસી પુરવઠાની પરિસ્થિતિને જોતાં પુખ્ત વયની વસ્તીમાં બધા માટે સંપૂર્ણ રસીકરણ અમારી પહોંચમાં છે."વૈજ્ઞાનિક દલીલોના આધારે આ અંગે અંતિમ નિર્ણય લેવામાં આવશે અને તેમાં કોઈ ઉતાવળ કરવામાં આવશે નહીં. દેશમાં ઝાયડસ કેડિલા કોરોના-પ્રતિરોધક રસી ઉપલબ્ધ હોવા અંગે પોલે કહ્યું હતું કે તેનો ઉપયોગ ટૂંક સમયમાં ભારતીયો માટે કરવામાં આવશે.