ગુડ ન્યૂઝ / પેટ્રોલ-ડીઝલના ભાવ ઘટાડાનો મોટો સંકેત, નાણા મંત્રી સીતારામણ બોલ્યાં- દર 15 દિવસે થશે ટેક્સની સમીક્ષા

• પેટ્રોલ અને ડીઝલની વધી રહેલી કિંમતોની વચ્ચે નાણામંત્રી મોટું નિવેદન
• કહ્યું સરકાર દર 15 દિવસે પેટ્રોલ અને ડીઝલ પરના ટેક્સની સમીક્ષા કરશે
• આંતરરાષ્ટ્રીય કિંમતોને ધ્યાનમાં રાખીને સરકાર કરશે આવું કામ

સરકાર હવે દર 15 દિવસે ક્રૂડ ઓઈલ, પેટ્રોલ અને ડીઝલ તથા વિમાની ઈંધણ પર લગાડવામાં આવેલા નવા ટેક્સની સમીક્ષા કરશે. નાણા મંત્રી સીતારામણે આ મુજબનું નિવેદન આપ્યું હતું. 

તેમણે કહ્યું કે આ એક મુશ્કેલ સમય છે અને વૈશ્વિક સ્તરે ક્રૂડના ભાવ બેકાબુ બની રહ્યાં છે. તેમણે કહ્યું કે અમે નિકાસને બિન પ્રોત્સાહિત નથી કરવા માગતા પરંતુ ઘરેલુ સ્તરે તેની ઉપલબ્ધતા વધારવા માગીએ છીએ. જો તેલ જ ઉપલબ્ધ નહીં હોય અને નિકાસ અસાધારણ લાભની સાથે થતી રહેશે તો તેમાં ઓછામાં ઓછો હિસ્સો આપણા લોકો માટે રાખવાની જરુર પડશે.  

પેટ્રોલ, ડીઝલ અને એવિએશન ટર્બાઇન ફ્યુઅલ પર એક્સપોર્ટ ટેક્સ
સરકારે શુક્રવારે પેટ્રોલ, ડીઝલ અને એવિએશન ટર્બાઇન ફ્યુઅલ (એટીએફ)ની નિકાસ પર પણ ટેક્સની જાહેરાત કરી છે. આ  નિયમ 1 જુલાઈથી લાગુ થઈ ગયો છે.

સ્થાનિક રીતે ઉત્પાદિત તેલ પર ટેક્સ
ડોલરની સામે થઈ રહેલા રુપિયાના સતત અવમૂલ્યન પર બોલતાં નાણામંત્રીએ કહ્યું કે રિઝર્વ બેંક ઓફ ઇન્ડિયા અને સરકાર સ્થિતિ પર નજર રાખી રહી છે. આયાત પર રૂપિયાના મૂલ્યની અસર અંગે સરકાર સંપૂર્ણ રીતે સભાન છે.

કેન્દ્રીય નાણામંત્રી નિર્મલા સિતારામણે UPI ટ્રાન્ઝેક્શનને લઈને મોટી માહિતી જાહેર કરી છે. તેમણે કહ્યું કે નેશનલ પેમેન્ટ કોર્પોરેશન ઓફ ઈન્ડિયાનાં ડેટા અનુસાર માત્ર જુલાઈ 2022માં જ UPIની મદદથી  6.28 અબજ ટ્રાન્ઝેક્શન થયા છે અને 10.62  ટ્રિલિયન રૂપિયાની લેવડદેવડ કરાઈ છે જે મહારેકોર્ડ છે.

જુલાઈ 2022માં જ UPIની મદદથી  6.28 અબજ ટ્રાન્ઝેક્શન

આગામી પાંચ વર્ષમાં દૈનિક ધોરણે એક બિલિયન યુપીઆઈ ટ્રાન્ઝેક્શન
સીતારામણે કહ્યું કે દર મહિને યુપીઆઈ લેવડદેવડમાં સારો એવો વધારો આવી રહ્યો છે. આગામી પાંચ વર્ષમાં દૈનિક ધોરણે એક બિલિયન યુપીઆઈ ટ્રાન્ઝેક્શન થવાની ધારણા છે.