એક તરફ જ્યારે જોબલેસ ગ્રોથને લઈ હોબાળો મચેલો છે કેન્દ્ર અને રાજ્ય સરકારોમાં વિભિન્ન પ્રકારની 24 લાખ જગ્યાઓ ખાલી છે. સંસદમાં આપવામાં આવેલા ઘણા સવાલોના જવાબથી આ આંકડો સામે આવ્યો છે. 8 ફેબ્રુઆરીએ રાજ્યસભામાં આપવામાં આવેલા એક સવાલના જવાબથી ખબર પડે છે કે તેમાં સૌથી વધારે જગ્યા પ્રાથમિક શિક્ષકો(9 લાખ) અને માધ્યમિક શિક્ષકો (1.1 લાખ)ની છે.
આ વેકેન્સી કેન્દ્ર દ્વારા વિત્તપોષિત સર્વશિક્ષા અભિયાનથી અલગ છે જ્યાં કેન્દ્રશાસિત પ્રદેશો કે રાજ્યોને શિક્ષક રેશિયો સ્ટાન્ડર્ડ પ્રમાણે રાખવા માટે નાણાકીય સહાય મળે છે. ખાલી પોસ્ટના મામલે પોલીસ ફોર્સ બીજા નંબરે છે. દેશભરની પોલીસ ફોર્સમાં 5.4 લાખ પોસ્ટ ખાલી છે.
બ્યૂરો ઓફ પોલીસ રિસર્ચ એન્ડ ડોવલોપમેન્ટના આંકડાઓને કોટ કરતા 27 માર્ચે લોકસભામાં આપવામાં આવેલા એક જવાબ પ્રમાણે સિવિલ અને ડિસ્ટ્રિક્ટ આર્મ્ડ પોલીસ + માં 4.4 લાખ જગ્યાઓ ખાલી છે. તેના પ્રમાણે સ્ટેટ આર્મ્ડ પોલીસમાં 90 000 વધારાની પોસ્ટ ખાલી છે. જો કે લો એન્ડ ઓર્ડર સ્ટેટની યાદીમાં આવે છે માટે આ પદ રાજ્ય સરકારોના આધિન છે.
દુનિયાની પ્રમુખ અર્થવ્યવસ્થાઓમાં ભારતમા જનસંખ્યાના પ્રમાણે પોલીસનો રેશિયો સૌથી ઓછામાંનો એક છે. કાયદા અને ન્યાય સાથે જોડાયેલા મુદ્દા જેવા પેંડિંગ કેસ અને સજાનો દર ઓછો થવાના પાછળ તેને પણ એક પ્રમુખ કારણ માનવામાં આવી રહ્યુ છે. પોલીસના ઉપર કેસોનું દબાણ છે અને તેનાથી તપાસ પણ પ્રભાવિત થઈ રહી છે. આ પ્રકારે કરોડો પેન્ડિંગ કેસના દબાણ નીચે દબાયેલી ન્યાયપાલિકામાં પણ
તમામ પદ ખાલી છે.
18 જૂલાઈએ લોકસભામા આપવામાં આવેલા એક સવાલના જવાબમાં જણાવવામાં આવ્યુ હતુ કે દેશભરની અદાલતોમાં 5800 જેટલી જગ્યાઓ ખાલી છે. રાજ્યસભામાં 14 અને 19 માર્ચ તેમજ લોકસભામાં 4 એપ્રિલે આપવામાં આવેલા સવાલોના જવાબ પ્રમાણે ડિફેન્સ સર્વિસિસમાં અને પેરામિલિટરી ફોર્સેસમાં 1.2 લાખથી વધારે જગ્યા ખાલી છે. તેમાંથી 61 હજાર જગ્યા પેરામિલિટરી ફોર્સેસમાં અને 62 હજાર જગ્યા ત્રણેય સૈન્ય દળોમાં ખાલી છે.
આ ઉપરાંત રેલવેમાં નોન ગેઝેટેડ સ્ટાફની 2.5 લાખ જગ્યા ખાલી છે. રાજ્યસભામાં 16 માર્ચે આપવામાં આવેલા એક સવાલોના જવાબમાં તેની જાણકારી આપવામાં આવી છે. જો કે તેની સાથે એ પણ કહેવામાં આવ્યુ કે તમાંથી 89000 જગ્યાઓ પર ભર્તી માટે ફેબ્રુઆરીમાં બે નોટિફિકેશન જાહેર કરવામાં આવ્યા છે.