તમારા કામનું / આ સરકારી સ્કીમમાં એક વખત કરવાનું રહેશે રોકાણ, દર મહિને ઘરે બેઠા મળશે 5000 રૂપિયા

• સરકારી યોજનાઓમાં રોકાણ કરવું સલામત 
• 5 વર્ષનો છે મેચ્યોરિટી ટાઈમ
• દર મહિને મળશે 5 હજાર રૂપિયા

સરકારી યોજનાઓમાં રોકાણ કરવું હંમેશા સલામત હોય છે. પોસ્ટ ઓફિસની આવી ઘણી સ્કીમ્સ છે, જેમાં તમને સુરક્ષિત રોકાણની સાથે ઉચ્ચ વળતર પણ મળે છે. આજે અમે તમને પોસ્ટ ઓફિસની એક એવી સ્કીમ વિશે જણાવીશું, જેમાં એકવાર તમે રોકાણ કરો તો દર મહિને તમને સારી આવક મળશે. પોસ્ટ ઓફિસની આ સ્કીમમાં, તમારે એકસાથે પૈસા જમા કરાવવાના હોય છે, ત્યારબાદ દર મહિને વ્યાજના પૈસા પેન્શનના રૂપમાં મળે છે.

5 વર્ષનો છે મેચ્યોરિટી ટાઈમ
પોસ્ટ ઓફિસની આ સ્કીમમાં પતિ અને પત્ની બંને એકસાથે ખાતું ખોલાવી શકે છે. જો તમે પરિણીત નથી તો તમે આ ખાતું એકલા ખોલી શકો છો. આ પોસ્ટ ઓફિસ સ્કીમનું નામ 'મંથલી સેવિંગ સ્કીમ' છે. આમાં, એકમ રકમ જમા કરાવવા માટે પાકતી મુદત 5 વર્ષની છે.

તમે કેટલું રોકાણ કરી શકો છો
અહીં રોકાણ કરવાથી તમારા પૈસા સંપૂર્ણપણે સુરક્ષિત છે. આ સ્કીમમાં મળતા વળતરને શેરબજાર સાથે કોઈ લેવાદેવા નથી. આ સ્કીમમાં વ્યક્તિના નામે વધુમાં વધુ રૂ. 4.5 લાખનું રોકાણ કરી શકાય છે. જો પતિ-પત્નીનું સંયુક્ત ખાતું હોય તો આ રકમ વધીને 9 લાખ રૂપિયા થઈ જાય છે.

દર મહિને પૈસા કયા આધારે મળશે?
આ યોજનામાં વાર્ષિક 6.6% વ્યાજદર છે. એટલે કે, જો તમે 9 લાખ રૂપિયા જમા કરો છો, તો દર વર્ષે તમારું વ્યાજ 59,400 રૂપિયા છે. તેને 12 મહિનામાં ડિવાઈડ કરોતો તમને દર મહિને 4950 રૂપિયા મળે છે. તેમાં કરવામાં આવેલ રોકાણ 5 વર્ષમાં પરિપક્વ થાય છે. જો તમે ઇચ્છો તો, 5 વર્ષ પૂરા થવા પર, તમે તેને 5-5 વર્ષ માટે બે વાર વધારી શકો છો.

પ્રી-મેચ્યોર એકાઉન્ટ પર કેટલા પૈસા મળશે?
જેવું કે પહેલા જણાવ્યું, આ ખાતાની પાકતી મુદત 5 વર્ષ છે. પરંતુ જો તમે આ એકાઉન્ટને પ્રી-મેચ્યોર કરો છો, તો જમા રકમમાંથી 2 ટકા બાદ કર્યા પછી, તે 3 વર્ષ પછી રિફંડ કરવામાં આવે છે. પરંતુ 3 વર્ષ પછી, રકમમાંથી 1% બાદ કર્યા પછી, પૈસા તમને પરત કરવામાં આવે છે.