દેશના પ્રથમ ગૃહમંત્રી સરદાર વલ્લભભાઇ પટેલની જયંતિ (31 ઓક્ટોબર) ના સમયે કેન્દ્ર શાસિત પ્રદેસ જમ્મૂ કાશ્મીર અને લદ્દાખનો હવે નવો નકશો પણ જાહેર કરી દેવાયો છે. આ સાથે જ ભારતનો નવો સત્તાવાર નક્શો પણ સર્વેઅર જનરલ ઓફ ઇન્ડિયા તરફથી જાહેર કરી દેવામાં આવ્યો છે. આ નકશામાં 28 રાજ્ય અને 9 કેન્દ્ર શાસિત પ્રદેશ છે. આ નકશો જમ્મૂ કાશ્મીરનું સત્તાવાર રીતે બે કેન્દ્ર શાસિત પ્રદેશોમાં વિભાજન થયાના 2 દિવસ બાદ આવ્યો છે. 5 ઓગસ્ટે કલમ 370 ખતમ થયા બાદ જમ્મૂ કાશ્મીરને મળેલ વિશેષ રાજ્યનો દરજ્જો ખતમ થયો હતો.
જમ્મૂ કાશ્મીરમાં કુલ 22 જિલ્લા બનાવવામાં આવ્યા
મીરપુર અને મુઝફ્ફરાબાદ પણ સામેલ
પાકિસ્તાન તરફથી ચીનને આપવામાં આવેલ અક્સાઇ ચીનને સામેલ કરવામાં આવ્યું
આ નકશા દ્વારા ભારતના પાડોશી દેશ પાકિસ્તાન અને ચીનનો કડક સંદેશ આપતા પીઓકેના મીરપુર અને મુઝફ્ફરાબાદને ભારતના નકશામાં વિશેષ રીતે સૂચવેલ છે.
આ પહેલા ભારતના નકશામાં બોર્ડર તો અહીં જ હતી પરંતુ મીરપુર અને મુઝફ્ફરાબાદનો સ્પષ્ટ રીતે ઉલ્લેખ નહોતો થતો. જમ્મૂ કાશ્મીરમાં કુલ 22 જિલ્લા બનાવવામાં આવ્યા છે, જેમાં મીરપુર અને મુઝફ્ફરાબાદ પણ સામેલ છે.
આ સિવાય કેન્દ્ર શાસિત પ્રદેશ લદ્દાખમાં બે જિલ્લા બનાવવામાં આવ્યા છે કારગિલ અને લેહ. ગિલગિટ-બાલ્ટિસ્તાનના પાકિસ્તાન અધિકૃત ક્ષેત્રને નકશામાં લેહનો જિલ્લો દર્શાવાયો છે. જોકે તેનો ઉલ્લેખ નથી.
લેહ જિલ્લામાં જોકે પાકિસ્તાનના કબજાવાળા ગિલગિટ, ગિલગિટ વજારત, ચિલ્હાસ, ટ્રાલ્હાસ, ટ્રાઇબલ અને પાકિસ્તાન તરફથી ચીનને આપવામાં આવેલ અક્સાઇ ચીનને સામેલ કરવામાં આવ્યું છે. જોકે લેહ જિલ્લામાં સામેલ કરવામાં આવેલ ગિલગિટ, ગિલગિટ વજારત અને અન્ય વિસ્તારોને રાજકિય નક્શામાં અલગથી નથી લખવામાં આવ્યા.
જમ્મૂ કાશ્મીર UTમાં સામેલ છે આ 22 જિલ્લા
જમ્મૂ કાશ્મીર રાજ્યમાં 1947માં કુલ 14 જિલ્લા હતા, જેમાં કઠુઓ, જમ્મૂ, ઉધમપુર, રિયાસી, અનંતનાગ, બારામૂલા, પૂંછ, મીરપુર, મુઝફ્ફરાબાદ, લેહ અને લદ્દાખ, ગિલગિટ, ગિલગિટ વજારત, ચિલ્હાસ અને ટ્રાઇબલ ટેરિટરી સામેલ હતા. જોકે 2019 સુધી આની સંખ્યા વધીને 28 થઇ ગઇ હતી. હવે નવા કેન્દ્ર શાસિત પ્રદેશ બનેલ જમ્મૂ કાશ્મીરમાં કઠુઆ, જમ્મૂ, સાંબા, ઉધમપુર, ડોડા, કિશ્તવાડ, રાજૌરી, રિયાસી, રામબન, પુંછ, કુલગામ, શોપિયાં, શ્રીનગર, અનંતનાગ, બડગાન, પુલવામાં, ગાંદરબલ, બાંદીપોરા, બારામૂલા, કુપવાડા, મીરપુર અને મુઝફ્ફરાબાદ સામેલ છે.
કેન્દ્ર શાસિત પ્રદેશ લદ્દાખમાં આવેલ આ ભાગ
લદ્દાખમાં સરકારે બે જિલ્લાઓ બનાવ્યા છે, લેહ અને કારગિલ. જેમાં લેહમાં પાકિસ્તાન અધિકૃત ગિલગિટ-બાલ્ટિસ્તાનને સામેલ કરવામાં આવ્યા છે. લેહમાં ગિલગિટ, ગિલગિટ વજારત, ચિલ્હાસ, ટ્રાઇબલ ટેરિટરીને સામેલ કરવામાં આવી છે.