સંસદના શિયાળુ સત્રમાં કેન્દ્ર સરકારે એ મુદ્દે જવાબ આપ્યો છે કે તેને 1 લીટર પેટ્રોલ અને ડીઝલ પર કેટલી થઈ રહી છે કમાણી થઈ રહી છે.
સંસદના શિયાળુ સત્રમાં કેન્દ્ર સરકારનો જવાબ
1 લીટર પેટ્રોલ અને ડીઝલ પર કમાણીનો આપ્યો આંકડો
1 લીટર પેટ્રોલ પર સરકારને મળી રહ્યું છે 27.90 રુપિયા
ડીઝલ પર મળી રહ્યાં છે 21.80 રુપિયા
ઓલ ઇન્ડિયા તૃણમૂલ કોંગ્રેસના સાંસદ માલા રોયએ લોકસભામાં પૂછ્યું હતું કે સરકાર પેટ્રોલ અને ડીઝલ પર એક્સાઇઝ ડ્યુટી તરીકે કેટલી કમાણી કરી રહી છે. જવાબમાં નાણાં મંત્રાલયે લોકસભામાં જણાવ્યું હતું કે સરકાર પેટ્રોલ પર એક્સાઇઝ ડ્યુટી (એક્સાઇઝ ડ્યુટી) તરીકે 27.90 રૂપિયા પ્રતિ લીટર અને ડીઝલ પર 21.80 રૂપિયા પ્રતિ લિટર કમાય છે.
દરરોજ 6 વાગ્યે બદલાય છે પેટ્રોલ-ડીઝલના ભાવ
ઉલ્લેખનીય છે કે પેટ્રોલ અને ડીઝલના ભાવ દરરોજ સવારે છ વાગ્યે બદલાય છે. નવા દરો સવારે છથી અમલમાં આવે છે. પેટ્રોલ અને ડીઝલની કિંમતમાં એક્સાઇઝ ડ્યુટી, ડીલર કમિશન અને અન્ય વસ્તુઓ ઉમેર્યા બાદ ભાવ લગભગ બમણો થઈ જાય છે.