સરકાર ખેડૂતો માટે શરૂ કરવામાં આવેલ પીએમ કિસાન યોજનાને ઝડપથી લાગુ કરવા માટે ઓનલાઇન રજિસ્ટ્રેશન શરૂ કરવા પર વિચારણા કરી રહી છે. આ યોજનાનો હેતુ ખેડૂતોને તેમની આવકમાં મદદ કરવાનો છે. આ ઉપરાંત કેન્દ્ર સરકાર ખેડૂતો માટે પેન્શન સ્કીમ લાગુ કરવા એક સિસ્ટમ પર કામ કરી રહી છે.
નવી મોદી સરકારની પ્રથમ કેબિનેટ બેઠક બાદ આ યોજનાની જાહેરાત કરવામાં આવી હતી. પીએમ કિસાન યોજનાની વાત કરીએ તો સરકાર આ યોજના હેઠળ તમામ ખેડૂતોને વર્ષે રૂ. ૬,૦૦૦ આપે છે. વોલેન્ટરી પેન્શન સ્કીમ હેઠળ ૬૦ વર્ષ થવા પર ખેડૂતને પ્રતિમાસ રૂ.૩,૦૦૦નું પેન્શન આપવામાં આવશે, જોકે આ માટે ખેડૂતે ૧૮ થી ૪૦ વર્ષની વય વચ્ચે તેનું રજિસ્ટ્રેશન કરાવવું પડશે.
કૃષિ વિભાગના એક વરિષ્ઠ અધિકારીએ જણાવ્યું હતું કે અમે ઓનલાઇન રજિસ્ટ્રેશનનો વિકલ્પ શરૂ કરવાની એક યોજના કરી છે. આ યોજના હેઠળ ખેડૂત કોઇ પણ કોમન સર્વિસ સેન્ટરથી સ્કીમ માટે અરજી કરી શકે છે. આ ફોર્મને ગ્રામ પંચાયતના તલાટી અથવા અન્ય કોઇ અધિકૃત અધિકારી ઓનલાઇન વેિરફાઇ કરશે અને તેનાથી ભ્રષ્ટાચાર પર લગામ મુકાશે અને યોજનાનો ઝડપથી અમલ થઇ શકશે.
તેમણે જણાવ્યું હતું કે ફોર્મમાં આપેલી માહિતી ટેલી નહીં થવાથી ઘણી અરજી રદ થઇ ગઇ છે. ઓનલાઇન રજિસ્ટ્રેશન દ્વારા આ માહિતીનું વેરિફિકેશન કરી શકાશે. ઓનલાઇન રજિસ્ટ્રેશન વર્તમાન ઓફલાઇન સિસ્ટમ સાથે જ કામ કરશે. અત્યાર સુધી સરકારે ૩.૬૬ કરોડ ખેડૂતોનું રજિસ્ટ્રેશન કરી લીધું છે. આમાંથી ૩.૦૩ કરોડ ખેડૂતોને રૂ. ૨,૦૦૦નો પ્રથમ હપ્તાે મળી ચૂક્યો છે અને ૧.૯૯ કરોડ ખેડૂતોને રૂ. ૨,૦૦૦નો બીજાે હપતાે મળી ચૂક્યો છે.