કોરોના વાયરસના કારણે દેશભરમાં ઓફિસો બંધ છે ત્યારે સરકારી ઓફિસમાં પણ કર્મચારીઓની સંખ્યા પણ ઘટી છે. ફક્ત જરૂરી સેવાઓના સ્ટાફને જ ઓફિસ બોલાવવામાં આવી રહ્યા છે. અનેક પ્રાઈવેટ ઓફિસોમાં હાલમાં વર્ક ફ્રોમ હોમ એટલે કે ઘરેથી જ સ્ટાફ કામ કરી રહ્યો છે. આ સમયે સરકારી ઓફિસમાં કામ કરનારાને માટે પણ સારા સમાચાર છે. સરકાર તેમના માટે પણ ઘરેથી કામ કરવાનો વિક્લપ લાવવાનું વિચારી રહી છે. તેઓ વર્ષમાં 15 દિવસ ઘરેથી કામ કરી શકશે.
સરકારી કર્મચારીઓને પણ મળી શકે છે વર્ક ફ્રોમ હોમ
વર્ષમાં 15 દિવસ મળી શકે છે વર્ક ફ્રોમ હોમ
ઓનલાઈન થઈ જશે મોટાભાગના કામ
15 દિવસ વર્ક ફ્રોમ હોમ
સરકારે વર્ક ફ્રોમ હોમને લઈને એક ડ્રાફ્ટ પેપર તૈયાર કર્યું છે. તેના આધારે સરકારી ઓફિસમાં કામ કરનારા સ્ટાફને વર્ષમાં 15 દિવસ ઘરેથી કામ કરવાની છૂટ મળી શકે છે. સરકારે જે માળખું તૈયાર કર્યું છે તેમાં કહેવાયું છે કે કોરોના વાયરસથી બચવા માટે સોશ્યિલ ડિસ્ટન્સિંગનું પાલન કરવું પડશે. તેના માટે ફક્ત કામના શિડ્યુલમાં ફેરફાર કરવામાં આવશે.
ઓનલાઈન થશે મોટાભાગના કામ
ડિપાર્ટમેન્ટ ઓફ પર્સનલ એન્ડ ટ્રેનિંગે (DoPT )ઈ- ઓફિસ પર કામ કરવાનું શરૂ કર્યું છે. 75 મંત્રાલયો આ સિસ્ટમમાં પહેલાંથી જોડાઈ ગયા છે. આ સિવાય 57 મંત્રાલયો પોતાના 80 ટકા કામ આ પોર્ટલની મદદથી કરી રહ્યા છે. DoPT એ સરકારની સામે પ્રસ્તાવ રાખ્યો છે કે સેક્શન લેવલ ઓફિસરને પણ વીપીએન નંબર બતાવે. તેનાથી એક સુરક્ષિત નેટવર્ક પર ફાઈલ્સને જોઈ શકાશે. આ પહેલાં આ સુવિધા ફક્ત ઉપ સચિવ અને મોટા અધિકારીઓને આપવામાં આવતી હતી.
21 મે સુધી માંગવામાં આવ્યા છે સૂચનો
ડ્રાફ્ટ પ્રપોઝલમાં કહેવાયું છે કે ડેટા, ડેસ્કટોપ અને લેપટોપના રિમ્બર્સમેન્ટ પર પણ વિચાર કરાયો છે. જે લોકો ઘરેથી કામ કરશે તેઓએ ફોન પર હાજર રહેવું પડશે. આ સિવાય ડ્રાફ્ટમાં કહેવાયું છે કે ધ્યાન રાખવું પડશે કે કોઈ પણ સ્ટાફને ડિવાઈસમાં કોઈ તકલીફ ન આવે. સાથે જ તેની વીડિયો કોન્ફરન્સની સેવા પણ આપવામાં આવશે. 21 મે સુધી દરેક ડિપાર્ટમેન્ટને ડ્રાફ્ટ પ્રપોઝલ તૈયાર કરવાનું કહેવામાં આવ્યું છે.