લૉકડાઉન / Unlock-2ની ગાઇડલાઇન જાહેર, 1 જૂલાઇથી દેશભરમાં રાત્રે 10થી સવારે 5 વાગ્યા સુધી કર્ફ્યૂ

• 1 જૂલાઇથી અનલોક-2ની થશે શરૂઆત
• અનલોક-2ની ગાઇડલાઇન જાહેર
• દેશભરમાં રાત્રે 10 વાગ્યાથી સવારે 5 વાગ્યા સુધી કર્ફ્યૂ રહેશે

અનલોક-2ની ગાઇડલાઇન અનુસાર, અનલૉક-2માં 31 જૂલાઈ સુધી કન્ટેઇન્મેન્ટ ઝોનમાં લૉકડાઉન લાગૂ રહેશે. કન્ટેઇન્મેન્ટ ઝોનમાં માત્ર જરૂરિયાતના કામોને જ મંજૂરી મળશે. 1 જૂલાઇથી દેશભરમાં રાત્રે 10 વાગ્યાથી સવારે 5 વાગ્યા સુધી કર્ફ્યૂ રહેશે. આવશ્યકની સેવાઓ માટે છૂટ મળશે. 31 જૂલાઇ સુધી તમામ શાળા-કોલેજો બંધ રહેશે. કોરોના વાયરસના કેસ વધી રહ્યાં છે જેને લઇને શાળા-કોલેજો બંધ રાખવાનો નિર્ણય લેવાયો છે. 

અનલૉક-2ની મહત્વની વાતો

આંતરરાષ્ટ્રીય હવાઈ મુસાફરી, મેટ્રો રેલ, સિનેમા હોલ, જીમ, સ્વિમિંગ પુલ, એન્ટેરટેઈનમેન્ટ પાર્ક, થિયેટર્સ, બાર, ઑડિટોરિયમ, એસેમ્બલી હોલ અને ભીડ ભેગી થાય તેવી કોઈ પણ જગ્યાઓ બંધ રહેશે.

શૈક્ષણિક સંસ્થાનઃ અનલૉક-2ની ગાઇડલાઇન અનુસાર, સ્કૂલ, કોલેજો, શૈક્ષણિક સંસ્થાઓ અને કૉચિંગ ઈન્સ્ટિટ્યૂશન્સ 31 જુલાઈ સુધી બંધ રહેશે. ઑનલાઈન અને ડિસ્ટન્સ લર્નિંગને પહેલાંની જેમ મંજૂરી યથાવત્ રહેશે. સેન્ટ્રલ અને સ્ટેટ ગવર્નમેન્ટની ટ્રેઇનિંગ ઈન્સ્ટિટ્યૂટ્સને 15 જુલાઈ, 2020થી શરતોને આધારે શરૂ કરવાની પરવાનગી અપાઈ છે. 

જાહેર કાર્યક્રમોઃ સોશ્યલ, પોલિટિકલ, સ્પોર્ટ્સ, એન્ટરટેઈનમેન્ટ, શૈક્ષણિક, સાંસ્કૃતિક, ધાર્મિક અને મોટા સમૂહમાં ભેગા થાય તેવી તમામ પ્રવૃત્તિઓ પર 31 જુલાઇ સુધી પ્રતિબંધ રહેશે. જાહેર જગ્યાઓ, કાર્યસ્થળો પર અને પરિવહન દરમિયાન ફેસ કવર પહેરવું જરૂરી છે.

આંતરરાષ્ટ્રીય ફ્લાઇટ્સઃ આંતરરાષ્ટ્રીય ઉડાનો પર 31 જૂલાઇ સુધી પ્રતિબંધ રહેશે. જોકે ગૃહ મંત્રાલય દ્વારા જે આંતરરાષ્ટ્રીય ઉડાનોને મંજૂરી મળી હશે, તેમને ઉડાન ભરવાની છૂટ રહેશે.

ડોમેસ્ટિક ફ્લાઇટ્સઃ મર્યાદિત સંખ્યામાં ડોમેસ્ટિક ફ્લાઇટ્સ અને પેસેન્જર ટ્રેનોને મંજૂરી આપવામાં આવી છે. આનું સંચાલન પણ આગળ પણ યથાવત રહેશે.

રાત્રિ કર્ફ્યૂઃ રાત્રિ કર્ફ્યૂનો સમય બદલવામાં આવ્યો છે. જે હવે રાત્રે 10 વાગ્યાથી સવારના 5 વાગ્યા સુધી રહેશે. ઇન્ડસ્ટ્રિયલ યૂનિટ, રાષ્ટ્રીય અને પ્રાદેશિક હાઇવે પર લોકોની અવરજવન અને માલની ગાડી, કારગોના લોડિંગ અને અનલોડિંગ, બસ, ટ્રેન, પ્લેનને ઉતર્યા બાદ લોકોએ પોતાના સ્થળે જતી વખતે રાત્રિ કર્ફ્યૂમાં છૂટ આપવામાં આવી છે.

ઉપરોક્ત જણાવેલી પ્રવૃત્તિઓ હાલ તો બંધ રહેશે પરંતુ સ્થિતિ પ્રમાણે શરૂ કરવાનો કોઈ નિર્ણય લેવાય છે તો તેનો અલગથી નિર્ણય લેવાઈ શકે છે જેમાં શરતોને આધારે શરૂ કરવાની પરવાનગી આપી શકાશે.
 

#UNLOCK2: Lockdown shall continue to remain in force in containment zones till July 31st. In containment zones, only essential activities to be allowed. pic.twitter.com/krHxvKP9a7

— ANI (@ANI) June 29, 2020