આત્મનિર્ભર ભારત / મોદી સરકાર સત્તાવાર નિવેદન અને જાહેરાતો માટે ટ્વિટરને કહેશે બાય, આ ઍપને કહેશે હાય : સૂત્રો

• માહિતી અને પ્રસારણ મંત્રાલય પહેલા koo પર માહિતી શેર કરી શકે છે
• koo એપની ચર્ચા પ્રધાનમંત્રી  મોદીએ પણ તેમનાં મન કી બાત કાર્યક્રમમાં કરી હતી
• ભારતનાં ઘણાં મંત્રીઓએ આ એપ વાપરવાની શરુ કરી દીધી છે

ૉસરકારી સૂત્રોના જણાવ્યાનુસાર લોકો સાથે આદાનપ્રદાન સાધવા માટે એક આત્મનિર્ભર એપને પ્રોત્સાહન આપવાના હેતુસર સરકાર આવું કરવા માગે છે. આગામી સમયમાં સરકારના મંત્રીઓ અને અધિકારીઓ જાહેર જનતા સાથે સંવાદ સાધવા ટ્વિટરને બદલે kooindia નો ઉપયોગ કરે તેવી શક્યતા છે. 

માહિતી અને પ્રસારણ મંત્રાલય પહેલા koo પર માહિતી શેર કરી શકે છે અને ત્યાર બાદ ટ્વિટર પર લિંકને કોપી-પેસ્ટ કરી શકે છે. 

મોદી સરકારના ઘણ મંત્રીઓએ koo એપનો ઉપયોગ શરુ કર્યો 
ભારતમાં વિદેશી સોશિયલ મીડિયા એપનાં વિકલ્પની શોધ લાંબા સમયથી ચાલી રહી છે. જોકે હજુ પણ તે શોધ ચાલુ જ છે. માઇક્રોબ્લોગિંગ સાઇટનાં વિકલ્પ તરીકે ગત વર્ષે tooter નામની એક વેબસાઇટ લોન્ચ કરવામાં આવી હતી અને હવે koo એપ ટ્વીટરનાં વિકલ્પ તરીકે લોન્ચ કરવામાં આવી છે. ભારતનાં ઘણાં મંત્રીઓએ આ એપ વાપરવાની શરુ કરી દીધી છે જેમાં કેન્દ્રિય મંત્રી પીયૂષ ગોયલનું નામ પણ સામેલ થઈ ગયું છે. koo એપે આત્મનિર્ભર ભારત એપ્લિકેશન ચેલેન્જમાં પણ ભાગ લીધો હતો. koo એપની ચર્ચા પ્રધાનમંત્રી  મોદીએ પણ તેમનાં મન કી બાત કાર્યક્રમમાં કરી હતી. તો આવો જાણીએ koo એપ ટ્વીટરને ટક્કર આપી શકશે કે નહીં.

kooને મળ્યુ 30 કરોડનું ફંડિંગ
koo એપને આ અઠવાડિયે ઈંફોસિસનાં મોહનદાસ પાઈની 3one4 કેપિટલ તરફથી 30 કરોડનું ફંડિંગ મેળવ્યું છે. તે પહેલા kooને એક્સેલ પાર્ટનર્સ, કાલારી કેપિટલ, બ્લૂમ વેન્ચર્સ અને ડ્રીમ ઇન્ક્યુબેટર પાસેથી પણ ફંડિંગ મળ્યું છે. kooનાં સહા-સંસ્થાપક અને સીઈઓ અપ્રમેય રાધાકૃષ્ણ છે.

સ્થાનિય ભાષાને મહત્વ આપશે koo એપ

koo એપમાં 400 શબ્દોની લિમીટ રાખવામાં આવી છે જેમાં ટ્વીટરની જેમ બીજા યૂઝર્સને ફોલો કરી શકશો, ફોટો શેર કરી શકશો, ઓડિયો-વીડિયો, વેબ લિંક કે યૂટ્યૂબ લિંકને શેર કરી શકશો. તેમાં હેશટેગની સાથે લોકોને ટેગ પણ કરી શકશો. koo એપ દ્વારા તમે પોલ્સ પોસ્ટ કરી શકશો સાથે સાથે ઈન્સન્ટ ઓડિયો કે વીડિયો રેકોર્ડ કરીને પોસ્ટ પણ કરી શકશો. koo એપનાં ડિસ્ક્રિપ્શનમાં જણાવવામાં આવ્યું છે કે, koo તમારા વિચારો અને મંતવ્યોને રજૂ કરવા માટેનું એક માઇક્રોબ્લોગિંગ પ્લેટફોર્મ છે. ચર્ચાઓ કરવી એ ભારતીય વિચારની આસપાસ છે, જે ભારતીય ભાષાઓમાં પોતાનો વિચારોને એક મજબૂત સ્થાનીય ભારતીય સમુદાયની સાથે વ્યક્ત કરવાનો અધિકાર આપે છે. koo એપમાં ભારતીય ભાષા જેવી કે હિન્દી, મરાઠી, તામિળ, તેલુગુ અને કન્નડ ભાષાઓ જોવા મળે છે. આગામી દિવસોમાં વધુ સ્થાનિય ભાષાઓ તેમાં ઉમેરવામાં આવશે. koo એપ ઈન્ટરનેટમાં જે અંગ્રેજી ભાષાની મેજ્યોરિટી જોવા મળે છે તેને તોડીને ભારતીય લોકલ ભાષામાં લોકો પોતાનાં મંતવ્યો રજૂ કરે તે આશય ધરાવે છે.