બદલાવ / ગાડી પર લગાવી દેજો આ વસ્તુ નહીંતર હાઈ-વે પર વાહન ચલાવવું મોંઘુ પડશે

• વાહન ચાલકો પર ગાડી ચલાવતા લોકો માટે કામના સમાચાર છે
• હાઇવે પર FASTAG વિના મુસાફરી કરવી પડશે મોંઘી
• FASTAGના ઉપયોગથી ટોલ ટેક્સ ચૂકવવા પર મળશે ડિસ્કાઉન્ટ 

સરકારે એક નિયમ બનાવ્યો છે કે હવે 24 કલાકમાં પરત ફરનારા એવા લોકોને જ ટોલ ટેક્સમાં છૂટ મળશે, જેની કાર પર માન્ય ફાસ્ટેગ હશે. એટલે કે, જો તમે કેશ ચૂકવીને ટોલ ટેક્સ આપો છો, તો તમને 24 કલાકમાં પરત આવવા ટોલ ટેક્સમાં છૂટ મળશે નહીં. 

ફાસ્ટેગ હોવા પર જ ડિસ્કાઉન્ટ મળશે

ઘણાં ટોલ ટેક્સ પર કેટલીક ખાસ છૂટ છે. ઉદાહરણ તરીકે, કેટલીક ગાડીઓ પર ડિસ્કાઉન્ટ હેઠળ ટોલ ટેક્સ લેવામાં આવતો નથી, પરંતુ હવે આ છૂટ ત્યારે જ મળશે જ્યારે તેમની ગાડીઓ પર ફાસ્ટેગ હશે. ડિજિટલ પેમેન્ટને પ્રોત્સાહન આપવા માટે આ નિયમ બનાવવામાં આવ્યો છે, જેથી ચુકવણી સ્માર્ટ કાર્ડ, ફાસ્ટેગ અથવા કોઈપણ અન્ય પ્રીપેડ સાધન દ્વારા કરવામાં આવશે. 

જે લોકો 24 કલાકની અંદર પાછાં આવે છે એવા કેસમાં આ બદલાવ ફાયદાકારક સાબિત થશે. એવી સ્થિતિમાં ડિસ્કાઉન્ટ મેળવવા માટે કોઈ રિસીપ્ટ લેવાની જરૂર નબીં પડે. જો કોઈ વ્યક્તિ 24 કલાકની અંદર પરત ફરે છે તો આપમેળે તેના ફાસ્ટેગ ખાતામાંથી ડિસ્કાઉન્ટ સાથે પૈસા કપાશે.