સાવધાન / ગૂગલ પર સરકારી નોકરી સર્ચ કરતા યુવાનો ધ્યાન આપશો, આ વેબસાઈટ ભૂલથી પણ ખોલતા નહીં

• સરકારી નોકરીની લાલચમાં આવી ભૂલો કરતા નહીં
• નકલી વેબસાઈટના ચક્કરમાં આપી ફસાઈ જશો
• ગૂગલ પર નોકરી શોધતા પહેલા ધ્યાન રાખજો

જો આપ સરકારી નોકરીની શોધમાં હોવ તો ભૂલથી પણ આ કામ કરતા નહીં, નહીંતર ભરાઈ જશો. જેના માટે સરકારે એક મહત્વની સૂચના જાહેર કરી છે, જે ગવર્નમેન્ટ જોબ સર્ચ કરી રહેલા ઉમેદવારો માટે અત્યંત મહત્વની છે. ભારત સરકારના શિક્ષણમંત્રાલયે ઓનલાઈન છેતરપીંડીના અમુક દાખલા આપતા શિખામણ આપી છે કે, સરકારી નોકરીની કોઈ પણ જાહેરાત જોઈને વેબસાઈટ પર જઈને અપ્લાઈ ન કરો. એક છેતરપીંડી હોઈ શકે છે. કારણ કે, સરકારી વિભાગના નામ પર સરકારી વેબસાઈટ જેવી જ દેખાતી કેટલીય નકલી વેબસાઈટ ચલાવામાં આવી રહી છે. આવી અમુક વેબસાઈટના નામ મંત્રાલયે પણ જણાવ્યા છે, તેના સંબંધમાં પીઆઈબી દ્વારા નોટિસ જાહેર કરવામાં આવી છે. 

શિક્ષણમંત્રાલયે લોકોને આપી સલાહ

પીઆઈબી દિલ્હી દ્વારા ઓફિશિયલ વેબસાઈટ pib.gov.in પર જાહેર કરવામાં આવેલી નોટિસમાં કહેવાયુ છે કે, શિક્ષણમંત્રાલયને જાણવા મળ્યું છે કે, ઉમેદવારોને છેતરવા માટે થઈને કેન્દ્ર સરકારની યોજનાઓના નામ જેવી જ નકલી વેબસાઈટ બનાવીને સરકારી નોકરીઓની લાલચ આપવામાં આવી રહી છે.

Various fake websites have been created to misguide & dupe innocent applicants. Hence, the public is advised to avoid applying for job opportunities on such websites and safeguard their own interests. To know more, click https://t.co/QCLA8mY7uW

— Ministry of Education (@EduMinOfIndia) March 7, 2022

ઓરિજિનલ જેવી જ દેખાય છે નકલી વેબસાઈટ

મંત્રાલયે જણાવ્યું છે કે, આ વેબસાઈટનું લેઆઉટ ઓરિજિનલ સરકારી વેબસાઈટ જેવું જ બનાવાની કોશિશ કરવામાં આવી છે. કંટેટ, પ્રેજેંટેશનના મામલામાં આ નકલી વેબસાઈટ ઘણા બધાં અંશે ઓરિજિનલ વેબસાઈટ જેવી જ દેખાઈ છે. ત્યાર બાદ આ વેબસાઈટ પર અલગ અલગ સરકારી નોકરીઓની વેકેંસી, હાઈ સેલરીની જાહેરાત દેખાઈ રહી છે. એટલુ  જ નહીં, આના પર ઉમેદવારોને સરકારી ભરતીના નામ પર અરજી ફોર્મ પણ ભરાવામાં આવી રહ્યા છે અને ત્યાં પી જમા કરવાનો પણ વિકલ્પ આપવામાં આવી રહ્યો છે. 

સાવધાની રાખજો

જો કે, આ વેકેન્સી અસલી નથી હોતી. ન તો આપની અરજી અથવા ફી સરકારી વિભાગ સુધી પહોંચે છે. ફ્રોડ કરનારા લોકોની આ પ્રકારની ચાલ હોય છે. એટલા માટે જાણ્યા જોયા વગર કોઈ પણ વેબસાઈટ પર નોકરી માટે અપ્લાઈ કરતા નહીં. આપે સાવધાન રહેવાની જરૂર છે. 

ક્રોસ ચેક કરો

કોઈ પણ સરકારી જોબ વેકેન્સીની સૂચના બાદ તેને ઓફિશિયલ વેબસાઈટ્સ પર જઈને ક્રોસ ચેક કરવાની જરૂર છે. રોજગાર સમાચાર પત્ર ચેક કરો. આ ઉપરાંત સંબંધિત વિભાગમાં ઈમેલ અથવા તો ફોન કોલ કરીને પણ પૂછપરછ કરી શકો છો અને આપનો ડાઉટ્સ ક્લિયર કરી શકો છો.

સરકારે એવી પણ ચેતવણી આપી છે કે, જો આપ આવી કોઈ નકલી વેબસાઈટ અથવા ઠગના ચક્કરમાં ફસાયા હોય તો, જોખમ આપના માથે રહેશે. તેના પરિણામ માટે આપ ખુદ જવાબદાર રહેશો.