કોરોના સંકટ / સરકારે ધાર્મિક સ્થળો, હોટલ અને મોલ્સ માટે જાહેર કરી નવી ગાઈડલાઈન્સ, રાખવી પડશે આટલી સાવચેતીઓ

ધાર્મિક સ્થળો માટે ગાઈડલાઇન્સ જાહેર કરતા સરકારે જણાવ્યું હતું કે અનલોક 1.0માં આપણે કોવિડ 19થી બચવા માટે કેટલીક વસ્તુઓને ધ્યાનમાં રાખવી જરૂરી છે. જેમ કે

1. ચહેરો કવર કરવા માટે ફેસ માસ્ક અથવા કપડાંનો ઉપયોગ 
2. સોશ્યલ ડિસ્ટન્સિંગનું પાલન કરવું 
3. થુંકવા ઉપર મનાઈ 
4. સાબુ, સેનિટાઇઝરથી હાથ ધોવા
5. જાહેર સ્થળોએ પ્રવેશ કરતા પહેલા 6 ફૂટનું અંતર બનાવી રાખવું 
6. રૂમાલ કે અન્ય વસ્તુથી પોતાના મોઢા અને નાકને ઢાંકેલા રાખવા, ઉપયોગ બાદ જે તે વસ્તુને ફેંકી દેવી

સામાન્ય નિવારણ ઉપાયો 

• પોતાની હેલ્થનું ધ્યાન રાખવું 
• જો બીમાર હોઈએ તો સામે ચાલીને જાણ કરી દેવી 
• આરોગ્ય સેતુ એપ નો ઉપયોગ કરવો 
• મેળાવડાઓથી દૂર રહેવું 

આ લોકોને ઘરની અંદર રહેવાની સૂચના 

• 65 વર્ષથી મોટી ઉંમરના 
• 10 વર્ષથી નાના બાળકો 
• ગર્ભવતી મહિલાઓ 
• જેમને હાઈ બ્લડ પ્રેશર, ડાયાબિટીઝ જેવી બીમારીઓ છે 

પ્રવેશના નિયમો 

• પ્રવેશ સમયે સેનિટાઇઝર અને થર્મલ સ્ક્રીનીંગની વ્યવસ્થા ફરજિયાત
• જેમને કોરોનાનાં લક્ષણો નથી ફક્ત તે જ અંદર પ્રવેશ કરી શકશે
• જેમની પાસે માસ્ક અથવા ચહેરો ઢાંકવા વસ્તુઓ છે ફક્ત તેમને જ પ્રવેશ
• એન્ટ્રી અને એક્ઝિટ માટેના અલગ દરવાજા
• પૂરતા અંતર જળવાય તે માટે વિશિષ્ટ ચિહ્ન બનાવવામાં આવેલા હોય જેથી સોશ્યલ ડિસ્ટન્સિંગનું પાલન થાય 
• પાર્કિંગની વ્યવસ્થા અને બહાર ભીડ ન થાય તે માટે વ્યવસ્થા

ધાર્મિક સ્થળોએ પાળવા પડશે આ નિયમો 

• શૂઝ અથવા ચપ્પ્લ તમારા વાહનમાં અથવા બહાર જ રાખવા પડશે
• પ્રવેશતા પહેલા, હાથ અને પગને સાબુથી સારી રીતે ધોવા પડશે
• સોશ્યલ ડિસ્ટન્સિંગનું પાલન કરીને બેસવું પડશે
• મૂર્તિ, દેવ પ્રતિમા અને પુસ્તકોને સ્પર્શ કરવાની મંજૂરી આપવામાં આવશે નહીં.
• જૂથોમાં ભક્તિ સંગીત ગાવાનું ટાળો

ઓફિસમાં પાળવા પડશે આ નિયમો 

1. જો કોઈ અધિકારી અથવા કર્મચારીનું ઘર કન્ટેન્મેન્ટ ઝોનમાં હોય, તો તેણે તેમના અધિકારી અને ઓફિસને જાણ કરવી પડશે અને ઘરેથી કામ કરવું પડશે.
2. જો સ્ટાફ અથવા ડ્રાઇવરો કન્ટેન્મેન્ટ ઝોનમાં રહેતા હોય, તો પછી તેઓને વાહન ચલાવવાની મંજૂરી આપવામાં આવશે નહીં.
3. ડ્રાઇવરોએ સોશ્યલ ડિસ્ટન્સિંગ સહિત અન્ય નિયમોનું પાલન કરવું આવશ્યક છે.
4. ફ્રન્ટ લાઇનનું કામ ટાળવામાં આવે અને ઉચ્ચ જોખમ ધરાવતા કર્મચારીઓ સોશ્યલ ડિસ્ટન્સિંગ સહિતની વિશેષ સાવચેતી રાખે તે જરૂરી
5. વધુ સંખ્યામાં લોકોને ઓફિસમાં બોલાવવા નહીં અને આવનારા લોકો માટે અસ્થાયી પાસ જારી કરવા અને તેમને તપાસવા 
6. મીટિંગ્સ ઓફિસમાં ફક્ત વીડિયો કોન્ફરન્સિંગ દ્વારા થવી જોઈએ.
7. વેલે પાર્કિંગની વ્યવસ્થા
8. એક સમયે મર્યાદિત સંખ્યામાં લોકો લિફ્ટમાં ચઢે તેનું ધ્યાન રાખવું
9. જ્યારે પણ તમે વોશરૂમમાં જાઓ ત્યારે અથવા તે સિવાય પણ વારંવાર સાબુથી હાથને સારી રીતે ધોઈ લો
10. માલ સામાન સપ્લાય કરતી વખતે ખાસ કાળજી લેવી
11. દુકાન, સ્ટોલ અથવા કેફેટેરિયામાં સોશ્યલ ડિસ્ટન્સિંગના નિયમનું પાલન કરો.
12. કેફેટેરિયામાં સોશ્યલ ડિસ્ટન્સિંગ અનુસાર બેઠક ગોઠવવી
13. દુકાનદારો, સ્ટોલ અથવા કેફેટેરિયાના કર્મચારીઓ અને વેઇટર્સ માટે પણ મોં અને નાકને ઢાંકવું ફરજિયાત
14. કેફેટેરિયા, કેન્ટીન, ડાઇનિંગ હોલ અને રસોડામાં સોશ્યલ ડિસ્ટન્સિંગનો નિયમ પાળવો જરૂરી