ઘટસ્ફોટ / શું સરકારમાંથી તમને આધાર કાર્ડ પર મળવાના છે 80,000 રુપિયા? જાણી લેજો સચ્ચાઈ

• સોશિયલ મીડિયા પર ફેલાયો ફેક મેસજ
• સરકાર આધાર કાર્ડ ધારકોને આપી રહી છે 80,000 રુપિયા
• પીઆઈબી ફેક્ટ ચેકમાં મેસેજ ફેક સાબિત થયો

કેન્દ્ર સરકાર દ્વારા છોકરીઓ અને આર્થિક રીતે નબળા વર્ગ માટે ઘણી યોજનાઓ ચલાવવામાં આવી રહી છે. ઘણી વખત આ યોજનાઓ વિશે ખોટા સમાચાર સોશિયલ મીડિયા પર વાયરલ પણ થાય છે. છેલ્લા કેટલાક દિવસોથી સોશિયલ મીડિયા પર એક મેસેજ વાયરલ થઈ રહ્યો છે જેમાં દાવો કરવામાં આવી રહ્યો છે કે કેન્દ્ર સરકાર 'પ્રધાનમંત્રી ક્રેડિટ યોજના' હેઠળ તમામ આધાર કાર્ડ ધારકોના ખાતામાં 80,000 રૂપિયાની રોકડ રકમ આપી રહી છે.

'Sarkari Update' नामक #Youtube चैनल के एक वीडियो में दावा किया गया है कि केंद्र सरकार ‘प्रधानमंत्री क्रेडिट योजना’ के तहत सभी आधार कार्ड धारकों के खाते मे ₹80,000 की नकद राशि दे रही है#PIBFactCheck:

▶️ यह दावा फर्जी है

▶️ केंद्र सरकार द्वारा ऐसी कोई योजना नहीं चलाई जा रही है pic.twitter.com/rbuCtLKs8w

— PIB Fact Check (@PIBFactCheck) November 28, 2022

સરકારી અપડેટ' નામની યુટ્યુબ ચેનલના વીડિયોમાં દાવો
સરકારી અપડેટ' નામની યુટ્યુબ ચેનલના આ વીડિયોમાં દાવો કરવામાં આવ્યો છે કે કેન્દ્ર સરકાર 'પ્રધાનમંત્રી ક્રેડિટ યોજના' ચલાવી રહી છે અને આ યોજના હેઠળ તમામ આધાર કાર્ડ ધારકોને તેમના ખાતામાં 80,000 રૂપિયાની રકમ આપવામાં આવી રહી છે. વીડિયોમાં એવું પણ કહેવામાં આવ્યું છે કે આ યોજના ભારતના તમામ 28 રાજ્યો અને 8 કેન્દ્રશાસિત પ્રદેશોમાં લાગુ કરવામાં આવી છે. વીડિયોમાં વધુમાં જણાવાયું છે કે આ યોજનાનો લાભ લેવા માટેની વયમર્યાદા 18 થી 62 વર્ષ રાખવામાં આવી છે. વીડિયોમાં લોકોને કોમેન્ટ બોક્સમાં પોતાના રાજ્યનું નામ જણાવવાનું પણ કહેવામાં આવી રહ્યું છે. 

પીઆઈબી ફેક્ટ ચેકમાં દાવો ખોટો નીકળ્યો 
સરકારે સત્તાવાર ટ્વિટર હેન્ડલ પીઆઈબી ફેક્ટ ચેકથી ટ્વીટ કરીને આ વિશે માહિતી આપી છે. પીઆઈબી ફેક્ટ ચેકના ટ્વીટમાં કહેવામાં આવ્યું છે કે આ દાવો નકલી છે અને કેન્દ્ર સરકાર દ્વારા આવી કોઈ યોજના ચલાવવામાં આવી રહી નથી.જો તમને પણ આવો મેસેજ આવે છે તો તમે https://factcheck.pib.gov.in/ અથવા વોટ્સએપ નંબર + 918799711259 અથવા ઇમેઇલ પર ફેક્ટ ચેક કરવા માટે પીઆઇબીને મોકલી શકો છો: [email protected]. આ માહિતી પીઆઈબીની વેબસાઇટ https://pib.gov.in પર પણ ઉપલબ્ધ છે.