મોટા સમાચાર / LICના IPOની પ્રતિક્ષા પૂરી, સરકારે સેબીમાં જમા કરાવ્યાં દસ્તાવેજ, પોલિસી ધારકોને મળશે આ મોટો લાભ

• LICના IPOની પ્રતિક્ષા પૂરી થઈ
• કેન્દ્ર સરકારે સેબીમાં દાખલ કરી અરજી
• માર્ચ મહિનામાં LICનો IPO આવી શકે
• LICની 5 ટકા હિસ્સેદારી વેચી નાખશે સરકાર

LICના IPOની પ્રતિક્ષા પૂરી થઈ છે. માર્ચ મહિનામાં LICનો IPO લાવવાની દિશામાં કેન્દ્ર સરકારે પહેલું પગલું ભર્યું છે. કેન્દ્ર સરકારના રોકાણ અને જાહેર સંપત્તિ વિભાગે માર્કેટ રેગ્યુલેટર સેબીમાં આઈપીઓ સંબંધિત દસ્તાવેજો જમા કરાવી દીધા છે. LICનો આઈપીઓ લાવવા માટે સેબી સમક્ષ દસ્તાવેજો રજૂ કરવા જરુરી છે અને સેબીની મંજૂરી મળ્યા બાદ સરકાર આઈપીઓ જાહેર કરશે. એલઆઈસીના આઈપીઓ દ્વારા સરકાર  5 ટકા હિસ્સેદારી વેચવા માગે છે. હાલમાં એલઆઈસીમાં સરકારની 100 ટકા હિસ્સેદારી છે.  લોકોને પણ ઘણા લાંબા સમયથી એલઆઈસીના આઈપીઓની પ્રતિક્ષા છે. હવે ખરો સવાલ એ છે કે સરકાર કેટલો હિસ્સો વેચશે અને તેના દ્વારા મળેલા પૈસા ક્યાં જશે. સરકાર પોતે રાખશે કે એલઆઈસીને આપશે. 

માર્ચમાં આવશે LICનો IPO
કેન્દ્ર સરકારના રોકાણ અને જાહેર સંપત્તિ વિભાગના સચિવ તુહિન કાંતા પાંડેયે ટ્વિટ કરીને જણાવ્યું કે એલઆઈસીના આઈપીઓ માટે ડીઆચએચપી સેબીની પાસે જમા કરાવાઈ છે. સરકારનું લક્ષ્ય માર્ચ સુધીમાં એલઆઈસીને શેરબજારમાં લિસ્ટ કરવાનો છે. આઈપીઓનો એક હિસ્સો એન્કર ઈન્વેસ્ટર્સ માટે રિઝર્વ હશે. LICના આઈપીઓના 10 ટકા પોલિસી ધારકો માટે અનામત રાખવામાં આવશે. 

LIC IPO DRHP is available on the SEBI’s website https://t.co/RZtSUnvmy7 pic.twitter.com/P9yyFsNWZC

— Secretary, DIPAM (@SecyDIPAM) February 13, 2022

5 ટકા હિસ્સો વેચશે સરકાર
LICએ સેબી પાસે જમા કરાવેલા દસ્તાવેજોમાં એવું જણાવાયું છે કે સરકાર આઈપીઓ દ્વારા એલઆઈસીમાં લગભગ 5 ટકા હિસ્સેદારી વેચશે. સરકાર 6.32 અબજ શેર્સમાંથી 31.6 કરોડ ઈક્વિટી શએર વેચી નાખશે. તેની ફેસ વેલ્યુ 10 રુપિયા છે. 5 ટકા ઈક્વિટીના વેચાણ દ્વારા જે પૈસા આવશે તે સરકાર પોતાની પાસે રાખી લેશે. 

LIC files Draft Red Herring Prospectus (DRHP) with SEBI, seeking approval for its Initial Public Offering (IPO): Department of Investment & Public Asset Management pic.twitter.com/ur3bbgaxEd

— ANI (@ANI) February 13, 2022

વિનિવેશનું લક્ષ હાંસલ કરવામાં મળશે મદદ
એલઆઈસીના આઈપીઓ દ્વારા સરકારને વિનિવેશની સુધારિત લક્ષ્ય 78 હજાર કરોડ રુપિયા મેળવવામાં મદદ મળશે. પહેલા આ લક્ષ્ય 1.75 લાખ કરોડ હતું. અત્યાર સુધી સરકાર વિનિવેશ દ્વારા 12 હજાર કરોડ રુપિયા મેળવી ચૂકી છે. હાલના સમયમાં એલઆઈસીમાં સરકારની 100 ટકા હિસ્સેદારી છે પરંતુ આ આઈપીઓ આવ્યાં બાદ સરકારની પાસે એલઆઈસીની હિસ્સેદારી ઘટીને 95 ટકા થઈ જશે. 

કોના માટે કેટલા શેર અનામત છે?
આ IPOમાંના 50% શેર લાયક સંસ્થાકીય ખરીદદારો માટે આરક્ષિત છે. આશરે 15 ટકા શેર બિન-સંસ્થાકીય રોકાણકારો માટે આરક્ષિત રહેશે. 35% શેર રિટેલ રોકાણકારો માટે આરક્ષિત રહેશે. આ IPOમાં કેટલાક શેર LIC કર્મચારીઓ અને પોલિસીધારકો માટે પણ આરક્ષિત રહેશે.

ભારતના ઇતિહાસમાં સૌથી મોટો IPO
LICનો આ IPO ભારતના ઈતિહાસનો સૌથી મોટો IPO હશે. સરકાર આ IPOમાંથી LICમાં તેનો 5 ટકા હિસ્સો વેચીને રૂ. 66,000 કરોડ એકત્ર કરે તેવી અપેક્ષા છે.

LIC પોલિસીધારકોને મળશે 5 ટકા ડિસ્કાઉન્ટ
કેટલાક અહેવાલો અનુસાર, સરકાર LIC IPOનો એક ભાગ પોલિસીધારકો માટે રાખવાની યોજના બનાવી રહી છે. ઉપરાંત, LIC પોલિસીધારકો પણ IPOમાં ડિસ્કાઉન્ટ મેળવી શકે છે. રિપોર્ટ્સ અનુસાર, LIC પોલિસીધારકોને 5 ટકા ડિસ્કાઉન્ટ આપી શકે છે. દેશમાં લાખો એલઆઈસી પોલિસીધારકો છે અને આ રીતે તેઓને ડિસ્કાઉન્ટ પર એલઆઈસીના શેર મેળવવાની તક મળી શકે છે. તેની પાછળનું એક કારણ એ છે કે સરકાર મોટી સંખ્યામાં રિટેલ રોકાણકારોને આકર્ષવા માંગે છે. આ સાથે સરકાર આ IPOમાં વિદેશી રોકાણને 20 ટકા સુધી લઈ જવા માટે પણ કામ કરી રહી છે, જેથી IPOને મોટી સફળતા મળી શકે.

સૌથી વધુ બજાર હિસ્સો ધરાવે છે
અમે તમને અહીં જણાવી દઈએ કે કુલ લેખિત પ્રીમિયમના સંદર્ભમાં LIC ભારતની સૌથી મોટી જીવન વીમા કંપની છે. LICનો માર્કેટ શેર 64.1% છે. તે જ સમયે, નવા બિઝનેસ પ્રીમિયમના કિસ્સામાં એલઆઈસીનો બજારહિસ્સો 66.2 ટકા છે. લિસ્ટેડ કંપનીઓમાં LIC રિલાયન્સ ઇન્ડસ્ટ્રીઝમાં 5.98 ટકાનો સૌથી મોટો હિસ્સો ધરાવે છે. તે પછી 5.55 ટકાના હિસ્સા સાથે ઇન્ફોસિસ બીજા ક્રમે છે.