તમારા કામનું / ડ્રાઈવિંગ લાયસન્સ એક્સ્પાયર થઈ ગયું હોય તો ચિંતા ન કરતા, સરકારે લંબાવી દીધી આ તારીખ સુધી મુદ્દત

• સરકારે મોટર વ્હીકલ ડોક્યુમેન્ટ્સની વેલિડિટીમાં આ તારીખ સુધી વધારી 
• મંત્રાલયની તરફથી સંબંધિત વિભાગો માટે આ વિશે આદેશ જાહેર કરવામાં આવ્યો
• પહેલા પણ ઘણી વખત વધી ચુકી છે વેલિડિટી 

જો તમારૂ ડ્રાઈવિંગ લાયસન્સ, રજીસ્ટ્રેશન સર્ટિફિકેટ અથવા ફિટનેસ સર્ટિફિકેટ સહિત બીજા મોટર વ્હીકલ ડોક્યુમેન્ટની વેલિડિટી ખતમ થઈ ગઈ રહી છે અને તેને રિન્યૂ કરાવવાના ટેન્શનમાં છો તો તમારા માટે એક સારી ખબર છે. કારણ કે સરકારે એક વખત ફરી તેની સમય મર્યાદા વધારી દીધી છે. કોરોના મહામારીના કારણે સરકારે આ નિર્ણય લીધો છે. 

30 સપ્ટેમ્બર સુધી વેલિડ રહેશે ડ્રાઈવિંગ લાયસન્સ, RC બૂક 
પરિવહન મંત્રાલયની તરફથી જાહેર કરવામાં આવેલા આદેશ અનુસાર એવા ડોક્યુમેન્ટ્સ જે 1 ફેબ્રુઆરી 2020એ એક્સપાયર થઈ ગયા હતા અને લોકડાઉન પ્રતિબંધોના કારણે તેને રીન્યૂ નથી કરાવી શકાયા તેને હવે તેને 30 સપ્ટેમ્બર 2021 સુધી માન્ય ગણવામાં આવશે. 

દરેક વિભાગોને આદેશ 
મંત્રાલયની તરફથી સંબંધિત વિભાગો માટે આ વિશે આદેશ જાહેર કરવામાં આવ્યો છે. તેમાં કહેવામાં આવ્યું છે કે તેને કોઈ નાગરિકોને ટ્રાન્સપોર્ટ સંબંધિત સેવાઓમાં કોઈ પણ પ્રકારની મુશ્કેલીઓ ન આવે. દરેક રાજ્યો અને કેન્દ્ર શાસિત પ્રદેશોને કહેવામાં આવ્યું છે કે તે તાત્કાલીક ધોરણે તેને લાગુ કરે જેથી ટ્રાન્સપોર્ટર્સ અને બીજી સંસ્થાઓ જે આ મુશ્કેલીની ઘડીમાં કામ કરી રહ્યા છે તેમને કોઈ પ્રકારની મુશ્કેલીઓનો સામનો ન કરવો પડે. 

ઘણી વખત વધી ચુકી છે વેલિડિટી 
તમને જણાવી દઈએ કે સરકારે કોરોના મહામારીને જોતા ઘણી વખત ડ્રાઈવિંગ લાયસન્સ, આરસી અને ફિટનેસ સર્ટિફિકેટ જેવા ડોક્યુમેન્ટ્સની વેલિડિટી વધારી હતી. આ પહેલા તેમણે દરેક ડોક્યુમેન્ટ્સને 30 જૂન 2021 સુધી માન્ય રાખવાનો આદેશ આપ્યો હતો. તેના પહેલા 30 માર્ચ 2020, 9 જૂન 2020, 24 ઓગસ્ટ 2020, 27 ડિસેમ્બર 2020, 26 માર્ચ 2021એ પણ પરિવહન મંત્રાલયની તરફથી એડવાઈઝરી જાહેર કરી હતી.