કેન્દ્ર સરકારે રવિવારે PAN કાર્ડને આધાર સાથે લિંક કરવાની છેલ્લી તારીખ 6 મહિના વધારીને 30 સપ્ટેમ્બર સુધી કરી દીધી છે.
કેન્દ્ર સરકારે રવિવારે PAN કાર્ડને આધાર સાથે લિંક કરવાની છેલ્લી તારીખ 6 મહિના વધારીને 30 સપ્ટેમ્બર સુધી કરી દીધી છે. આ છઠ્ઠી વખત છે કે જ્યારે સરકારે PANને આધાર સાથે લિંક કરવાની સમય મર્યાદામાં વધારો કર્યો છે. સરકારે ગત વર્ષે જૂનમાં PANને આધાર સાથે લિંક કરવાની છેલ્લી તારીખ 31મી માર્ચ નક્કી કરી હતી.
CBDTએ બહાર પાડેલા સ્ટેટમેન્ટમાં કહ્યુ કે, ''જો કોઇ વિશિષ્ટ છૂટ નથી અપાતી તો આધાર નંબરની માહિતી આપવાની અને PANને આધાર સાથે લિંક કરવાની છેલ્લી તારીખ હવે 30મી સપ્ટેમ્બર 2019 છે.''
CBDTએ કહ્યુ કે, અહેવાલો હતા કે જો નંબર 31 માર્ચ સુધી આધારની લિંક નહી હોય તે અમાન્ય થઇ શકે છે, તે પછી આ મુદ્દે સરકારે વિચાર કર્યો કે તેના માટેની છેલ્લી તારીખને વધારીને 30 સપ્ટેમ્બર કરી દીધી છે.