રીડેવલપમેન્ટ / અદાણી અને એરપોર્ટ ઓથોરિટી વચ્ચે કરાર, અમદાવાદ સહિત આ 6 શહેરના એરપોર્ટનું રીડેવલપમેન્ટ અદાણી કરશે

એરપોર્ટ ઓથોરિટી ઓફ ઇન્ડિયાને આ એરપોર્ટ રિડેવલપમેન્ટમાં ખાનગી કંપનીને આપી દેવાથી 1070 કરોડનો ફાયદો થશે. આ માહિતી કેન્દ્રિય મંત્રી પ્રકાશ જાવડેકરે આપી હતી.

જાવડેકરે કહ્યું હતું કે એરપોર્ટ ઓથોરિટીને મળેલા 1070 કરોડનો ઉપયોગ નાના નગરોના એરપોર્ટના ડેવલપમેન્ટ માટે વાપરવામાં આવશે. તેનો બીજો ફાયદો એ છે કે યાત્રીઓને સારી સુવિધા મળશે. આ ઉપરાંત એફિશ્યન્સીમાં પણ વધારો થશે.

આ ત્રણેય એરપોર્ટમાં ઓપરેશન, મેનેજમેન્ટ અને ડેવલપમેન્ટ માટે પબ્લિક પ્રાઇવેટ પાર્ટનરશિપ મોડલ (PPP)ના ધોરણે અદાણી એન્ટરપ્રાઈઝને લીઝ ઉપર આપવામાં આવશે. અદાણી એન્ટરપ્રાઈઝ સફળતાપૂર્વક દેશના ઘણા બધા એરપોર્ટને લીઝ ઉપર લઇ ચુક્યા છે. 

નોંધનીય છે કે દેશમાં 3 ઉપરાંત બીજા 3 એમ કુલ 6 એરપોર્ટને ગયા વર્ષે હરાજીમાં આપવાના હતા. આ હરાજીમાં અદાણીએ સૌથી ઊંચી કિંમત લગાવી હતી. અમદાવાદ, લખનૌ અને મેંગ્લોર એરપોર્ટને અદાણીએ રિડેવલપમેન્ટ માટે લઇ લીધા છે. જો કે તેમનું રિડેવલપમેન્ટનું કાર્ય શરુ થયું નથી કારણ કે કોરોનાને લીધે ઓપરેશન અસ્ત વ્યસ્ત થઇ ગયું છે. નોંધનીય છે કે અત્યારે હવાઈ યાત્રાઓ થઇ રહી ન હોવાને કારણે એરપોર્ટની આવકમાં મોટો ઘટાડો થયો છે. 

એરપોર્ટને ખાનગી કંપનીઓને રિડેવલપમેન્ટ માટે આપવામાં આવે છે જેમાં એરપોર્ટ ઓથોરિટી સાથે રેવન્યુ શેરિંગનું એગ્રિમેન્ટ થયેલું હોય છે. આ સાથે જ ખાનગી ડેવલપર્સને પ્રવાસીઓ ઉપર યુઝર ફી વસૂલવા ઉપરાંત તેમને એરપોર્ટની આસપાસના વિસ્તારોમાં રિયલ એસ્ટેટ ડેવલપમેન્ટ કરીને નફો રળવાની તકો આપવામાં આવે છે.