કેન્દ્ર સરકારની મંજૂરી બાદ સુપ્રીમ કોર્ટની કોલેજિયમમાં સામેલ 9 જજોની નિયુક્તીને રાષ્ટ્રપતિ કોવિંદ દ્વારા લીલીઝંડી આપી દેવાઈ છે.
રાષ્ટ્રપતિ કોવિંદે 9 જજોની સુપ્રીમમાં નિયુક્તીને આપી લીલીઝંડી
કેન્દ્ર સરકારની મંજૂરી બાદ રાષ્ટ્રપતિએ લીધો નિર્ણય
જસ્ટિસ બીવી નાગરત્ના દેશના પહેલા મહિલા ચીફ જસ્ટિસ બનશે.
રાષ્ટ્રપતિ રામનાથ કોવિંદે 9 જજોની સુપ્રીમ કોર્ટમાં નિયુક્તીની મંજૂરી આપી દીધી છે આ સાથે દેશને પહેલા મહિલા ચીફ જસ્ટિસ મળવાનો માર્ગ મોકળો થયો છે.
કેન્દ્ર સરકારની મંજૂરી બાદ સુપ્રીમ કોર્ટ કોલિજિયમ જસ્ટિસ એ.એસ ઓકાર, જસ્ટિસ વિક્રમ નાથ, જસ્ટિસ જેકે માહેશ્વરી, જસ્ટિસ હિમા કોહલી, જસ્ટિસ બી વી નાગરત્ના, સીટી રવિ કુમાર જસ્ટિસ એમએમ સુંદરેશ, જસ્ટિસ બેલા એમ ત્રિવેદી અને વકીલ પીએસ નરસિંહ સુપ્રીમ કોર્ટમાં જજ તરીકે નિયુક્ત થયા છે.
થોડા સમયમાં આ નવ જજ સુપ્રીમ કોર્ટના જજ તરીકે શપથ લેશે.
કોણ છે 9 નામ
9 નામમાં સુપ્રીમ કોર્ટ બાર એસોસિએશનના આઠ જજ અને એક વકીલ સામેલ છે તેમાં કર્ણાટકના ચીફ જસ્ટિસ એ.એસ ઓકા, ગુજરાતના ચીફ જસ્ટિસ વિક્રમનાથ, સિક્કીમના ચીફ જસ્ટિસ જેકે માહેશ્વરી, તેલંગાણાના ચીફ જસ્ટિસ હિમા કોહલીના નામ સામેલ છે.
જસ્ટિસ નાગરત્ના બનશે દેશના પહેલા મહિલા ચીફ જસ્ટિસ
કેરળ હાઈકોર્ટના જસ્ટિસ નાગરત્ના, મદ્રાસ હાઈકોર્ટના જસ્ટિસ સીટી રવિ કુમાર, જસ્ટિસ એમએમ સુંદરેશ, જસ્ટિસ બેલા એમ ત્રિવેદી, ડી વાય ચંદ્રચુડ, જસ્ટિસ એલ નાગેશ્વર રાવની બેઠક 17 ઓગસ્ટે થઈ હતી. 2027 માં જસ્ટિસ નાગરત્ના દેશના પહેલા મહિલા ચીફ જસ્ટિસ બનશે.
ગુજરાતમાંથી 2 જજ સુપ્રીમમાં જજ બનશે
ગુજરાતમાંથી બે જજ સુપ્રીમમાં જજ બની રહ્યાં છે. ગુજરાત હાઈકોર્ટના ચીફ જસ્ટિસ વિક્રમનાથ અને જસ્ટિસ બેલા એમ ત્રિવેદી સુપ્રીમમાં જજ બનશે. કેન્દ્ર સરકારે તેની મંજૂરી આપી દીધી છે.