મર્જર / ભારતી ઇન્ફ્રાટેલ અને Indus Towers ને વિલયની મંજૂરી, દુનિયાની બીજી સૌથી મોટી ટાવર કંપની બનશે

• ટેલિકોમ વિભાગની મોબાઇલ ટાવર કંપની ઇન્ડસ ટાવર્સના ભારતી ઇન્ફ્રાટેલ સાથેના વિલયને મંજૂરી
• આ મર્જર બાદ રચાનારી સંયુકત કંપની પાસે દેશભરમાં 1,63,000થી વધુ ટેલિકોમ્યુનિકેશન ટાવર થઇ જશે
• આ સંયુકત કંપનીનું નામ બદલીને હવે ઇન્ડસ ટાવર્સ લિમિટેડ રાખવામાં આવશે

મર્જર બાદ જે આ મર્જર બાદ રચાનારી સંયુકત કંપની પાસે દેશભરમાં 1,63,000થી વધુ ટેલિકોમ્યુનિકેશન ટાવર થઇ જશે

આ સંયુકત કંપનીનું નામ બદલીને હવે ઇન્ડસ ટાવર્સ લિમિટેડ રાખવામાં આવશે અને હવે આ કંપની ઘરેલુ શેરબજારમાં પોતાનું લિસ્ટિંગ જારી રાખશે. આ કંપની પાસે ભારતી ઇન્ફ્રાટેલ અને ઇન્ડસ ટાવર્સના બિઝનેસની સંપૂર્ણ માલિકી રહેશે. આ ડીલ સમયસર સંપન્ન થાય તે ઘણું જ મહત્ત્વપૂર્ણ છે. કારણ કે તેનાથી ભારતી એરટેલ અને વોડાફોન આઇડિયા માટે કંપનીમાં પોતાનો સ્ટેક વેચીને નાણાં એકત્ર કરવાનો વિકલ્પ ખુલશે. આમ આ ડીલથી વોડાફોન-આઇડિયા (Vodafone-Idea) અને એરટેલ (Airtel) બંનેને ફાયદો થશે.

ઇન્ડસ ટાવર્સમાં અત્યારે ભારતી ઇન્ફ્રાટેલ અને વોડાફોન ગ્રૂપની 42-42 ટકા ભાગીદારી છે. તેમાં વોડાફોન-આઇડિયાની પણ 11.15 ટકા ભાગીદારી છે. ભારતી ઇન્ફ્રાટેલમાં એરટેલની મોટી ભાગીદારી છે. એવું માનવામાં આવે છે કે વોડાફોન-આઈડિયા આ ડીલથી રૂ.4500 કરોડ એકત્ર કરી શકશે. 

આ રકમનો ઉપયોગ કંપની એજીઆરનું બાકી પેમેન્ટ કરવામાં કરશે. કંપની પાસેથી રૂ.52,000 કરોડ એજીઆર પેટે બાકી નીકળે છે. 2018માં થયેલ ડીલ અનુસાર નવી કંપનીમાં શેર વેચીને વોડાફોન-આઇડિયા તેમાંથી બહાર નીકળી જશે.