એમ્પ્લોઇઝ પ્રોવિડન્ટ ફંડ ઓર્ગેનાઇઝેશન (ઇપીએફઓ)ની એમ્પ્લોઇઝ પેન્શન સ્કીમ (ઈપીએસ)ના દાયરામાં આવતાં કર્મચારીઓને 2020ના બજેટમાં ખુશખબર મળી શકે છે. નાણાપ્રધાન નિર્મલા સીતારમન ઇપીએસ હેઠળ લઘુતમ પેન્શનની રકમ વધારવાની જાહેરાત કરી શકે છે.
નોકરિયાતો માટે સારાં સમાચાર
નાણાપ્રધાન નિર્મલા સીતારમન કરી શકે છે આ જાહેરાત
EPFO હેઠળ પેન્શનમાં પાંચ ગણો વધારો થઈ શકે છે
નિષ્ણાતોનું માનવું છે કે તેની સાથે જ અટલ પેન્શન યોજના (એપીવાય)નો દાયરો વધારવા અને ન્યૂ પેન્શન સ્કીમ (એનપીએસ)માં વધારાની ટેક્સ રાહતો પણ જાહેર કરવામાં આવી શકે છે. શ્રમ સંગઠનોનું કહેવું છે કે સરકાર જ્યારે અસંગઠિત ક્ષેત્રમાં કામ કરતા કર્મચારીઓ અને વેપારીઓ માટે રૂ.3000નું પેન્શન આપવાની જોગવાઇ કરી શકે તો સંગઠિત ક્ષેત્રના કર્મચારીઓને તેનાથી ઓછું પેન્શન આપવાનો કોઇ અર્થ નથી.
ઇપીએસ હેઠળ લઘુતમ પેન્શનની રકમ રૂ.5000 કરવા અનુરોધ કર્યો છે
ભારતીય મજદૂર સંઘના મહામંત્રી બ્રજેશ ઉપાધ્યાયે જણાવ્યું છે કે અમે કેન્દ્ર સરકારને ઇપીએસ હેઠળ લઘુતમ પેન્શનની રકમ રૂ.1000થી વધારીને પ્રતિમાસ રૂ.5000 કરવા અનુરોધ કર્યો છે. તેથી ઇપીએફઓ હેઠળ મળનર પેન્શનની રકમમાં પાંચ ગણો વધારો થઇ શકે છે. જ્યારે રાષ્ટ્રીય સંઘર્ષ સમિતિએ લઘુતમ પેન્શન મોંઘવારી ભથ્થા સાથે લિંક કરીને રૂ. 7500 કરવાની પણ માગણી કરી છે.