બોલીવુડ અભિનેતા ગોવિંદાએ લાંબા સમય સુધી તેની અદાકારીના દમ પર લાખો દર્શકોનું મનોરંજન કર્યુ. કૉમેડી ફિલ્મોથી લઇને એક્શન ફિલ્મોમાં ગોવિંદાએ પોતાનુ કામ બતાવ્યું છે.
ગોવિંદા હવે ફરીથી OTT પરથી કરશે વાપસી
આજના જમાનામાં સક્સેસ ઓટીટી પ્લેટફોર્મ્સ પર બને છે: ગોવિંદા
ગોવિંદા અને કરિશ્માએ લગભગ 11 ફિલ્મો એકસાથે કરી
ગોવિંદા ઓટીટી પરથી ફરીથી કરશે વાપસી
લગભગ ત્રણ દાયકા સુધી ફિલ્મ ઈન્ડસ્ટ્રીના રાજા બાબુ તરીકે રહેનારા ગોવિંદા હવે છેલ્લાં ઘણા વર્ષોથી મોટા પડદા પર જોવા મળતા નથી. ગોવિંદાએ એક રિયાલિટી શોમાં તેમનો ગેસ્ટ એપિયરન્સ આપી લાઈમલાઇટમાં આવ્યાં હતા. પરંતુ કોઈ ખાસ પ્રદર્શન ઉકાળી શક્યા નહોતા. તો હાલમાં એવા રિપોર્ટસ સામે આવ્યા છે કે ગોવિંદા ઓટીટી પરથી તેમનો પ્રવાસ ફરીથી શરુ કરી રહ્યાં છે.
OTT પર દરેક પ્રકારના કલાકાર છે: ગોવિંદા
ગોવિંદાએ હાલમાં એક ઈન્ટરવ્યુ દરમ્યાન તેના ઓટીટી ડેબ્યુને લઇને વાત કહી છે. અભિનેતાએ એક ડીજીટલ ન્યુઝને આપેલા ઈન્ટરવ્યુમાં કહ્યું, પહેલાના સમય બાદ અત્યારનો સમય બદલાઇ ગયો છે. જ્યારે અમે શરૂઆત કરી હતી તો કઈ પણ આ પ્રકારનુ ન હતુ. તેથી આજે ઈન્ડસ્ટ્રીમાં કામ જોવા મળે છે. આજના જમાનામાં સક્સેસ ઓટીટી પ્લેટફોર્મ્સ પર બને છે. ઓટીટી એવુ પ્લેટફોર્મ છે, જ્યાં દરેક પ્રકારના કલાકાર છે અને તે પણ એક અભિનેતા તરીકે આ પ્લેટફોર્મને એક્સપ્લોર કરવા માગે છે. ઈન્ટરવ્યુ દરમ્યાન હાલમાં જોવામાં આવેલી ફિલ્મને લઇને સવાલ કરવામાં આવ્યો તો ગોવિંદાએ હસતા કહ્યું, તે પૈસા વગર કોઈને પણ ફેમ અપાવવા માગતા નથી.
ઉલ્લેખનીય છે કે ગયા અઠવાડિયે ટીવી રિયાલિટી શો ઈન્ડિયાઝ ગોટ ટેલેન્ટ પર કરિશ્મા કપૂરની સાથે ગેસ્ટ જજ તરીકે જોવા મળ્યા હતા. રાજા બાબુ અભિનેતા ગોવિંદા અને કરિશ્માએ લગભગ 11 ફિલ્મો એકસાથે કરી છે. યુપીવાલા ઠુમકાથી લઇને સાજન રે સાજન સુધી ઘણા સુપરહિટ ગીતો ગોવિંદા અને કરિશ્માએ ઈન્ડસ્ટ્રીને આપ્યાં છે.