એક સમય એવો હતો જ્યારે ગોવિંદાના નામથી જ ફિલ્મો ચાલતી હતી. જોકે, સમયની સાથે પરિવર્તન આવે છે અને તેમાં ગોવિંદા પાછળ રહી ગયો.
એક સમય એવો હતો જ્યારે ગોવિંદાના નામથી જ ફિલ્મો ચાલતી હતી
બોલિવૂડથી દૂર હોવા છતાં કરોડો કમાય છે ગોવિંદા
આ રીતે ગોવિંદા કરોડોની કમાણી કરે છે
આજે પણ ગોવિંદાની સાથે કરિયર શરૂ કરનાર તેના સાથી કલાકારો ફિલ્મોમાં નામ કમાઈ રહ્યાં છે ત્યારે ગોવિંદા ફિલ્મોથી દૂર છે. જોકે, એ અમુક ફિલ્મોમાં સમયતંરે જોવા મળ્યો છે પરંતુ પહેલાં જેવો જલવો ન દેખાડી શક્યો. તે અત્યારે ભલે સફળ નથી પરંતુ તેનાથી તેના કમાણી પણ કોઈ ફરક પડ્યો નથી. તે આજે પણ કરોડો કમાય છે.
ગોવિંદાના ચાહકોના મનમાં આ સવાલ આવ્યો જ હશે કે જો તે ફિલ્મોથી દૂર છે તો કરોડોની કમાણી કેવી રીતે કરે છે. તમને જણાવી દઈએ કે ગોવિંદા તેની બીજી ઇનિંગ્સમાં સફળ રહ્યો નથી, પરંતુ તેનાથી તેની ફેન ફોલોઇંગમાં ઘટાડો થયો નથી. આજે પણ લાખો લોકો તેને ફોલો કરે છે. આ જ કારણ છે કે તે અનેક જાહેરાતો અને ડાન્સ રિયાલિટી શોમાં દેખાતો રહે છે. તે જ્યાં પણ જાય છે ત્યાંચાર ચાંદ લાગી જાય છે.
મીડિયા રિપોર્ટ્સ અનુસાર, ગોવિંદા પાસે ત્રણ બંગલા છે, જે મુંબઇ અને આજુબાજુના વિસ્તારમાં છે. તે એક વર્ષમાં 16 કરોડ રૂપિયાથી વધુની કમાણી કરે છે. તે જૂહુમાં તેના બંગલામાં પરિવાર સાથે રહે છે. આ સિવાય તેની પાસે મર્સિડીઝ બેન્ઝ જેવી મોંઘી કાર છે. અભિનેતાની કુલ સંપત્તિ આશરે 151 કરોડ રૂપિયા હોવાનું કહેવાય છે. ગોવિંદાએ ઘણી સ્થાવર મિલકતોમાં રોકાણ કર્યું છે. આ સિવાય તે બ્રાન્ડ એન્ડોર્સમેન્ટથી સારી કમાણી કરે છે. તે જાહેરાતો પણ કરતો રહે છે, જેમાંથી તે કરોડોની કમાણી કરે છે.
તમને જણાવી દઈએ કે કારકિર્દીની શરૂઆતમાં ગોવિંદા એકશન અને ડાન્સિંગ હીરો તરીકે જાણીતો હતો. બાદમાં તેણે કોમેડીમાં પોતાનો હાથ અજમાવ્યો, જેમાં તે ખૂબ જ સફળ રહ્યો. તે 'કુલી નંબર 1', 'રાજા બાબુ' અને 'હિરો નંબર 1' જેવી ઘણી સફળ ફિલ્મોમાં જોવા મળ્યો હતો.