કૂટનીતિ / જય હોં ! મોદી સરકારે તાબડતોબ કાર્યવાહી કરતા Hyundaiની શાન ઠેકાણે આવી, હવે કોરિયાએ કરવું પડ્યું આ કામ

• હુન્ડાઇ પાકિસ્તાને કરેલા ગુના પર ભારતની લાલ આંખ
• ભારતે દક્ષિણ કોરિયાના રાજદૂતને બોલાવ્યાં
• રાજધાની સિયોલમાં પણ વાંધો ઉઠાવ્યો
• દક્ષિણ કોરિયન સરકારે માફી માગી 

ભારતની આંતરિક બાબતોમાં હસ્તક્ષેપ કરવાનો કોઈ દેશ કે વિદેશી કંપનીને હક નથી તેમ છતાં પણ ક્યારેક કોઈ વિદેશી કંપની આવી ગુસ્તાખી કરી નાખતી હોય છે ત્યારે તે જરા પણ ન ચલાવી લેવાય. કાશ્મીર પર વિવાદાસ્પદ ટ્વિટ કરીને ભારતને બદનામ કરનાર હુન્ડાઇ પાકિસ્તાનની સામે મોદી સરકારે મોટી કાર્યવાહી કરી છે. હુન્ડાઇ પાકિસ્તાનના આ ગુનાની સામે ભારતે કડક વલણ દાખવ્યું છે. ભારતે હવે દક્ષિણ કોરિયાના રાજદૂતને બોલાવીને આ મુદ્દે ઉગ્ર વાંધો ઉઠાવ્યો છે તથા રાજધાની સિયોલમાં પણ વાંધો ઉઠાવ્યો છે. 

Received a call from ROK FM Chung Eui-yong today. Discussed bilateral and multilateral issues as also the Hyundai matter.

— Dr. S. Jaishankar (@DrSJaishankar) February 8, 2022

કોરિયાના વિદેશમંત્રીએ વિદેશમંત્રી જયશંકરને ફોન કરીને ખેદ વ્યક્ત કર્યો 
વિદેશ મંત્રી એસ જયશંકરે ટ્વીટ કરીને આ જાણકારી આપી છે. પ્રધાનમંત્રીએ કહ્યું હતું કે, "દક્ષિણ કોરિયાના વિદેશ પ્રધાન ચુંગ યુ-યંગે આજે ફોન કર્યો હતો. બેઠક દરમિયાન દ્વિપક્ષીય અને બહુપક્ષીય મુદ્દાઓ તેમજ હ્યુન્ડાઇ મુદ્દા પર ચર્ચા કરવામાં આવી હતી.

ભારતે હ્યુન્ડાઇ કંપનીના વરિષ્ઠ નેતૃત્વ સામે પણ નારાજગી વ્યક્ત કરી

ભારતે હ્યુન્ડાઇ કંપનીના વરિષ્ઠ નેતૃત્વ સામે પણ નારાજગી વ્યક્ત કરી છે. ભારતના કડક વલણ બાદ દક્ષિણ કોરિયાના વિદેશ મંત્રીએ ભારતના વિદેશ મંત્રી એસ જયશંકરને ફોન કરીને આ ઘટનાક્રમ પર ખેદ વ્યક્ત કર્યો છે. ભારતીય વિદેશ મંત્રાલયે કહ્યું કે અમે આશા રાખીએ છીએ કે હ્યુન્ડાઇ આ મુદ્દાઓ સાથે યોગ્ય રીતે વ્યવહાર કરવા માટે પૂરતી કાર્યવાહી કરશે.

Our response to media queries on social media post by Hyundai Pakistan on the so called Kashmir Solidarity Day: https://t.co/2QlubQwXJJ https://t.co/S5AkS3wT9a pic.twitter.com/QkkqwIdv64

— Arindam Bagchi (@MEAIndia) February 8, 2022

શું છે હુન્ડાઈનો મામલો 

હુન્ડાઈના પાકિસ્તાની ડીલરના ટ્વિટર એકાઉન્ટથી જે મેસેજ પોસ્ટ કરવામાં આવ્યો હતો તે 'કાશ્મીર યુનિટી ડે'ને સપોર્ટ કરે છે. આ પોસ્ટ બાદ ટ્વિટર પર હેશટેગ 'બોયકોટ હ્યુન્ડાઇ' ટ્રેન્ડ થવા લાગ્યું હતું અને ઘણા લોકો હ્યુન્ડાઇની પ્રોડક્ટ્સ ન ખરીદવાની અપીલ કરવા લાગ્યા હતા. આ પછી હ્યુન્ડાઇ મોટર્સ ઇન્ડિયાએ સોશિયલ મીડિયા પર એક મેસેજ જાહેર કરીને સ્પષ્ટતા કરી હતી કે તે ભારતીય બજાર માટે પ્રતિબદ્ધ છે. કંપનીએ આજે માફી પણ માંગી હતી. વિદેશ મંત્રાલયે એક નિવેદનમાં કહ્યું કે હ્યુન્ડાઇ કંપનીએ સ્પષ્ટ કર્યું છે કે તે રાજકીય અને ધાર્મિક મુદ્દાઓ પર કોઈ ટિપ્પણી કરશે નહીં. વિદેશ મંત્રાલયે જણાવ્યું હતું કે હ્યુન્ડાઇના પાકિસ્તાન એકમ દ્વારા શેર કરવામાં આવેલી અસ્વીકાર્ય સોશિયલ મીડિયા પોસ્ટ્સ પર દક્ષિણ કોરિયાના રાજદૂતને તેની તીવ્ર નારાજગી વ્યક્ત કરવામાં આવી હતી.