આદેશ / ટ્વિટર અને ગૂગલને સરકારની મોટી ચેતવણી, કહ્યું- ફેક ન્યૂઝના મામલે કાર્યવાહી કરો નહીંતર...

• ફેક ન્યૂઝના મામલે કેન્દ્ર સરકારે ટ્વિટર અને ગૂગલને આપી મોટી ચેતવણી
• આજે કેન્દ્ર સરકાર અને ટ્વિટર-ગૂગલના પ્રતિનિધિઓ વચ્ચે યોજાઈ બેઠક
• ફેક ન્યૂઝના મામલે બન્ને કંપનીઓ નિષ્ક્રિયતા દાખવે છે
• સરકારે કહ્યું, ફેક ન્યૂઝ મામલે કાર્યવાહી કરો નહીંતર અમે કરીશું 

દેશમાં ફેક ન્યૂઝનો રાફડો ફાટ્યો છે. ત્યારે હવે ફેક ન્યૂઝના દૂષણને ડામવા સરકાર ગંભીર થઈ છે અને આ મુદ્દે આજે ટ્વિટર અને ગૂગલને મોટી બેઠક બોલાવી હતી અને બન્ને કંપનીના અધિકારીઓને ફેક ન્યૂઝના મુદ્દે તાબડતોબ કાર્યવાહી કરવાની તથા તેને અટકાવવાની ચેતવણી આપી હતી અન્યથા સરકારે બન્નેની સામે કાર્યવાહી કરશે તેવું પણ અધિકારીઓએ જણાવ્યું હતું. 

કેન્દ્ર અને ટ્વિટર અને ગૂગલના પ્રતિનિધિઓ વચ્ચે મંત્રણા
 ફેક ન્યૂઝના મુદ્દે કેન્દ્ર સરકારના અધિકારીઓ અને ટ્વિટર અને ગૂગલના પ્રતિનિધિઓ સાથે મંત્રણા થઈ હતી. બેઠકમાં કેન્દ્રના અધિકારીઓએ બન્ને ટેકનો કંપનીના પ્રતિનિધિઓને ફેક ન્યૂઝ અંગે ઉઠાવાઈ હેલા પગલાંઓની ઝાટકણી કાઢીને તેમને ચેતવણી આપી છે.માહિતી અને પ્રસારણના મંત્રાલયના અધિકારીઓએ બેઠકમાં ટ્વિટર અને ગૂગલને જણાવ્યું કે તેઓ ફેઝ ન્યૂઝના મામલે જેવી જોઈએ તેવી કાર્યવાહી કરતા નથી, આ મુદ્દે બન્ને કંપનીઓ ઢીલું વલણ દાખવી રહી છે અને આને કારણે સરકારને આવી સામગ્રી હટાવવાનો આદેશ આપવો પડી રહહ્યો છે જેને કારણે સરકારને આંતરરાષ્ટ્રીય સ્તરે શરમજનક સ્થિતિનો સામનો કરવો પડે છે. 

સરકારે ગૂગલ અને ટ્વિટરને આપી આ ચેતવણી 
બન્ને કંપનીઓની આકરી ટીકા કરતા સરકારે તેમની ચેતવણી આપી છે કે બન્ને કંપનીઓ ફેક ન્યૂઝના મામલે તાબડતોબ કાર્યવાહી કરે અન્યથા સરકારને તેમની સામે કાર્યવાહી કરવાની ફરજ પડશે. 

સરકારે 55 એકાઉન્ટને બ્લોક કર્યા હતા 
માહિતી અને પ્રસારણ મંત્રાલયને "કટોકટી સત્તાઓ" નો ઉપયોગ કરીને ગૂગલના યુટ્યુબ પ્લેટફોર્મ પર 55 ચેનલો અને કેટલાક ટ્વિટર અને ફેસબુક એકાઉન્ટ્સને અવરોધિત કરવાનો આદેશ આપ્યા પછી ડિસેમ્બર અને જાન્યુઆરીમાં આ બેઠક મળી હતી.

ચેનલો "ફેક ન્યૂઝ" અથવા "ભારત વિરોધી" સામગ્રીને પ્રોત્સાહન આપી રહી છે
બેઠકમાં સરકારના પ્રતિનિધિઓએ કહ્યું કે ચેનલો "ફેક ન્યૂઝ" અથવા "ભારત વિરોધી" સામગ્રીને પ્રોત્સાહન આપી રહી છે અને પાકિસ્તાન સ્થિત એકાઉન્ટ્સ દ્વારા ખોટી માહિતી ફેલાવવામાં આવી રહી છે.  આ બેઠકમાં ડોમેસ્ટિક કન્ટેન્ટ શેરિંગ પ્લેટફોર્મ શેરચેટ અને કૂ પણ સામેલ થયા હતા, જેનો ઉપયોગ દેશના લાખો લોકો કરે છે. 

સરકારની ચેતવણીને ગંભીરતાથી લેશું 
બેઠક પર ટિપ્પણી કર્યા વિના, આલ્ફાબેટ ઇન્કના ગૂગલે એક નિવેદનમાં જણાવ્યું હતું કે તે સરકારની વિનંતીઓની સમીક્ષા કરીશું અને "સ્થાનિક કાયદાઓને ધ્યાનમાં રાખીને, જ્યાં યોગ્ય હોય ત્યાં કાર્યવાહી કરીશું. કંપનીએ જણાવ્યું કે તે સરકારની ચેતવણીને ગંભીરતાથી લેશે.