ભારતમાં સિમ કાર્ડ પ્રાપ્ત કરવુ ખૂબ સરળ છે. આશરે ત્રણ ડઝન દસ્તાવેજોમાંથી કોઈ એકને આપીને સિમ લઇ જઇ શકાય છે. સરકાર હવે સિમ લેવાની પ્રક્રિયાને કડક કરી રહી છે.
હવે સરળતાથી નહીં મળે મોબાઈલ સિમ કાર્ડ
સરકાર કડક બનાવી રહી છે નિયમ
ફેક દસ્તાવેજો દ્વારા સિમ કાર્ડ નહીં લઇ શકો
સરકાર હવે સિમ લેવાની પ્રક્રિયાને કડક કરી રહી છે
દેશમાં સરળતાથી મોબાઈલ સિમ કાર્ડ પ્રાપ્ત કરવાના દિવસ હવે જવાના છે. સિમ કાર્ડ દ્વારા થતી છેતરપિંડીને રોકવા માટે સરકાર હવે સિમ કાર્ડ પ્રાપ્ત કરવાના કડક નિયમ કરી રહી છે. હાલમાં કોઈ પણ વ્યક્તિ 21 પ્રકારના ડોક્યુમેન્ટમાંથી કોઈ એકને બતાવીને નવુ સિમ લઇ શકે છે. પરંતુ હવે સરકાર આ ડોક્યુમેન્ટ્સની સંખ્યા 5 સુધી કરશે. નવો નિયમ જલ્દી લાગુ થઇ શકે છે.
ફેક દસ્તાવેજો દ્વારા સિમ કાર્ડ લેવુ મુશ્કેલ રહેશે
મીડિયા સંસ્થાના સૂત્રો તરફથી મળેલી જાણકારી મુજબ સરકાર દ્વારા ઉપાડવામાં આવેલા પગલાથી ફેક દસ્તાવેજો દ્વારા સિમ કાર્ડ લેવુ મુશ્કેલ હશે. સુત્રો મુજબ, હવે કોઈ પણ જગ્યાએ સરળતાથી સિમ કાર્ડ મળવુ મુશ્કેલ હશે. સરકાર કેવાઈસીની પ્રક્રિયાને કડક કરવાનુ મન બનાવી ચૂકી છે. તેથી તેઓ હવે સિમ લેવા માટે ઉપયોગમાં લેવામાં આવતા દસ્તાવેજોની સંખ્યાને ઘટાડી રહી છે. સિમ સંબંધિત નવા નિયમ 10 થી 15 દિવસમાં લાગુ થઇ શકે છે.
આ દસ્તાવેજો પર મળે છે સિમ કાર્ડ
દેશમાં અત્યારે સિમ કાર્ડ લેવા માટે 21 દસ્તાવેજોમાંથી કોઈ એકનો ઉપયોગ કરી શકાય છે. જેમાં આધાર કાર્ડ, ઓળખ પત્ર, પાસપોર્ટ, રેશન કાર્ડ, વિજળી બિલ, આર્મ્સ લાઈસન્સ, ડ્રાઈવિંગ લાયસન્સ, પાન કાર્ડ, રેશન કાર્ડ, MP અથવા MLAનો પત્ર, પેન્શન કાર્ડ, ફ્રીડમ ફાઈટર કાર્ડ, ખેડૂત પાસબુક CGHS કાર્ડ, ફોટો ક્રેડિટ કાર્ડ જેવા દસ્તાવેજોની મદદથી સિમ કાર્ડ મળી જાય છે.