ઘટસ્ફોટ / હૈદરાબાદમાં સગીરા સાથે સામૂહિક દુષ્કર્મનાં કેસમાં સરકારી વાહનનો ઉપયોગ થયાનો ખુલાસો, પોલિસે ઈનોવા કરી જપ્ત

• હૈદરાબાદ ગેંગરેપ કેસમાં નવો વળાંક 
• સરકારી વાહન વપરાયાનો દાવો 
• પોલીસે કબજે કર્યા વાહનો 

ચાર આરોપીઓ સગીર વયના
હૈદરાબાદ ગેંગરેપ કેસમાં એક નવો ખુલાસો આવ્યો છે. ખબર મળી છે ગુનામાં વપરાયેલ વાહન સરકારી વાહન છે. હાલ પોલીસે આ કેસમાં તમામ છ આરોપીઓને કસ્ટડીમાં લઇ લીધા છે. તેમાં અખિલ ભારતીય મજલિસ-એ-ઇત્તેહાદુલ મુસ્લિમીનના ધારાસભ્યના પુત્ર અને તેના સંબંધીઓ સામેલ છે. ચાર આરોપીઓ સગીર વયના છે. રીપોર્ટ અનુસાર આ ગુનો સરકારી વાહન ઇનોવામાં થયો હતો. આ કેસના પુખ્ત વયના આરોપી સદાઉદ્દીને જણાવ્યું હતું કે આ ગુનો ટોયોટા ઇનોવા ક્રિસ્ટામાં થયો હતો. પોલીસે એક ફાર્મહાઉસમાંથી વાહન કબજે કર્યું છે.

સરકારી વાહનમાં થયો ગેંગરેપ 
એવું જાણવા મળ્યું છે કે ઇનોવામાં સરકારી વાહનના ચિહ્ન હતા, આ વાહન વકફ બોર્ડના ટોચના પદાધિકારીઓ દ્વારા ઉપયોગ લેવામાં આવતું હતું. સૂત્રોના અનુસાર કહેવામાં આવ્યું હતું કે ગુના દરમિયાન મર્સિડીઝ અને ઇનોવા સગીર દ્વારા ચલાવવામાં આવી રહી હતી. સૂત્રોએ જણાવ્યું હતું કે, ગેંગરેપમાં જે મર્સિડીઝનો ઉપયોગ કરવામાં આવ્યો છે તે તેલંગાણાના ધારાસભ્યની છે. જો કે, ધારાસભ્યએ જણાવ્યું હતું કે, ગુના સમયે આરોપી કારમાં ન હતો.

પૂરો મામલો શું હતો 
પાર્ટી માટે ક્લબમાં ગયેલા એક 17 વર્ષીયની ત્યાં એક છોકરા સાથે મુલાકાત થઈ હતી. અહેવાલ મુજબ તે ઘર છોડવાનું વાયદો કરીને પછી છોકરા અને તેના મિત્રો સાથે મર્સિડીઝમાં નીકળી ગઈ હતી. થોડા સમય બાદ તેઓ નજીકના કાફેમાં પહોંચ્યા અને સાંજે લગભગ 6.30 વાગ્યે તેઓ વાહન બદલીને ઇનોવામાં ચાલ્યા ગયા. ત્યારબાદ યુવતીને કથિત રૂપે રોડ નંબર 44 પર લઈ ગયા અને ઇનોવામાં બળાત્કાર ગુજારવામાં આવ્યો હતો. રિપોર્ટ્સ અનુસાર, ત્યારબાદ તેને સાંજે 7.30 વાગ્યે પબમાં પાછી મૂકવામાં આવી હતી. આરોપીએ બંજાર હિલ્સમાં વાહન પાર્ક કર્યું હતું. ખાસ વાત એ છે કે તે હૈદરાબાદનો પોશ વિસ્તાર છે, જ્યાં ઘણા મોટા રાજકારણીઓ, ઉદ્યોગપતિઓ, અભિનેતાઓ અને અન્ય પ્રભાવશાળી લોકો રહે છે.