પેન્ડોરા પેપર લીક મામલે કેન્દ્ર સરકારે એક મોટું એલાન કરતા મલ્ટી એજન્સીની તપાસના આદેશ આપી દીધા છે.
પેન્ડોરા પેપર લીક મામલે કેન્દ્ર સરકારની મોટી કાર્યવાહી
મલ્ટી એજન્સીની તપાસના આદેશ
CBDT, ED, RBI, FIU તપાસ કરશે
પેન્ડોરા લીક કેસ દેશના ઈતિહાસનો પહેલો એવો કેસ બન્યો છે કે જેની એકીસાથે ચાર-ચાર કેન્દ્રીય એજન્સીઓ તપાસ કરશે. વિદેશમાં છુપું ધન રાખનાર લગભગ 300 ભારતીયોના નામ જાહેર થયા બાદ કેન્દ્ર સરકાર એક્શનમાં આવી છે. CBDTના એક ટોચના અધિકારીએ જણાવ્યું કે સીબીડીટીના ચેરમેનની આગેવાનીમાં મલ્ટી એજન્સી ગ્રુપ દ્વારા પેન્ડોરા લીકની તપાસ કરવામાં આવશે. મલ્ટી તપાસ એજન્સીઓમાં સીબીડીટી, ઈડી, રિઝર્વ બેન્ક ઓફ ઈન્ડીયા તથા ફાઈનાન્સિયલ ઈન્ટેલિજન્સ યુનિટ સહિતની એજન્સીઓ સામેલ છે.
કેન્દ્ર સરકારની આ તમામ એજન્સીઓ સાથે મળીને પેન્ડોરાનો ભાંડો ફોડશે તથા તેમાં રહેલા નામો બહાર લાવશે. કેન્દ્રીય નાણા મંત્રાલયે એવું જણાવ્યું કે આ તમામ એજન્સીઓ પેન્ડોરા લીકની તપાસ કરશે અને કાયદા પ્રમાણે યોગ્ય કાર્યવાહી કરવામાં આવશે.
NEW: #PandoraPapers reveals the inner workings of a shadow economy that benefits the wealthy and well-connected at the expense of everyone else.
Brought to you by ICIJ and 600+ journalists, the largest collaboration in journalism history. 🧵 https://t.co/qXMuUcqPc4
તેમણે જણાવ્યું કે પેન્ડોરા પેપર્સમાં જેમના પણ નામો છે તેમના સંબંધમાં માહિતી મેળવવા માટે વિદેશી સરકારનો પણ સંપર્ક સાધવામાં આવશે.
ICIJની રિપોર્ટમાં શું મળ્યું?
હવે ફરીથી ICIJએ દાવો કર્યો છે કે ટેક્સ ચોરીમાં ભારતીય દિગ્ગજો પણ સામેલ છે. જેમાં ભારતીય દિગ્ગજ ખેલાડીનું નામ પણ સામે આવી રહ્યું છે. ઈન્ટરનેશનલ કન્સોર્ટીયમ ઓફ ઈન્વેસ્ટિગેટીવ જર્નાલિસ્ટસે પોતાના રિપોર્ટમાં દાવો કર્યો છે કે ભારતના નવા મહાનુભાવો પનામા પેપર લીક બાદ ધ્યાન રાખી રહ્યાં છે, જેનાથી તેમની ટેક્સ ચોરીનો પર્દાફાશ ના થાય. ICIJએ 1.19 કરોડ દસ્તાવેજોને તપાસ્યા હતા. જેમાંથી 117 દેશોના 600 રિપોર્ટરો જોડાયા હતા. દિગ્ગજ બેટ્સમેન સચિન તેંડુલકર પણ આ યાદીમાં સામેલ છે.
Government takes note of the data trove in the 'Pandora Papers' leak.
Govt issues directions that investigation in cases of Pandora Paper leaks as appearing in the media under the name 'PANDORA PAPERS' will be monitored through the Multi Agency Group headed by Chairman, CBDT. pic.twitter.com/XSnRBxiady
2016માં કરાયેલી તપાસમાં સામે આવ્યું હતુ કે ભારતના ઘણા સરકારી અધિકારી ત્યાં સુધી કે રમત અને સિનેમા જગતના ઘણા મોટા સ્ટાર્સ તેમાં સંડોવાયેલા હતા. ચાલુ વર્ષે જુલાઈમાં કેન્દ્ર સરકારે એક ખુલાસો કર્યો હતો કે પનામા પેપર સાથે જોડાયેલા 20,078 કરોડ રૂપિયાની ગેરકાયદેસર સંપત્તિની માહિતી મેળવી હતી.